夏天雨水多又潮濕，家居環境好容易出現不速之客：搞到你冇覺好瞓嘅蚊、突然出來嚇你一驚嘅曱甴、肉眼未必睇到嘅塵蟎，甚至係聞之色變嘅老鼠……等等！正所謂預防勝過對抗，為咗保持家居質素同保障家人健康，你應該主動出擊，做好家居 防蟲 滅蟲嘅任務！就等Boxful醒你幾招！
1）注意牆身保養
許多時，潮濕了的牆身因為太耐沒有處理，會出現內部裂縫、表面剝落的情況，而滋生不同嘅蟲蝨。長遠之計，呢啲出咗問題嘅牆身一定要重新剷底、批灰、除霉、補縫，並且髹上防霉漆、防水漆，以絕後患。
2）白醋 + 漂白水？
民間方法謂以白醋抹牆，可以驅趕昆蟲。此法雖然有效，但始終牆身有陣強烈醋味，令人也受不了，再者味道一散去，蟲子又再來，治標不治本。
反而，用稍為稀釋了的漂白水，噴在牆角、窗邊、書櫃、衣櫃內等位置，有滅蟲功效可驅除書蟲、衣魚、衣蛾等。
3）樟腦丸
樟腦丸顧名思義含有樟腦成分，有人稱之為「臭丸」、「防蟲餅」，通常用來驅除衣蛾、衣魚等，絕對係衣櫃必備嘅防蟲用品。但購買時，最好揀啲天然成分嘅樟腦丸，因部分人工合成嘅樟腦丸會含有致癌物質，家中有寵物或小孩就要特別留意，唔好俾佢哋接觸到。
4）滅蟲彈
滅蟲彈，或稱蚤彈、滅蟲煙霧，可以有效咁殺滅 蚊、曱甴、螞蟻、跳蚤、塵螨、書蟲 、衣魚等多種類害蟲。不過用嘅時候會搞到一屋煙霧，需要先將全屋成員同寵物撤離間屋，隔數小時後返屋企要盡快打開窗戶散氣。
5）除塵蟎
近期流行用強力吸塵器吸除隱藏於床褥、沙發、角落嘅塵蟎。其實最基本係要勤換床上用品，並經乾衣機烘過才用。要大範圍殺死塵蟎，可用攝氏55℃以上熱水清洗床上用品再將其曝曬，又或者把布藝品放入雪櫃冷凍。
6）滅蟻
如果家居內部不幸有螞蟻築了巢穴，少則會有幾千隻，多則可達百萬隻以上！少量滅蟻可以用天然方法將其趕絕：喺螞蟻經過嘅地方及巢穴撒上爽身粉、使用醋水噴蟻等。但如果出現白蟻、紅火蟻等危險品種，就一定要聘請滅蟲專家處理。
7）再見小強
廚房同雜物房都係匿藏最多曱甴嘅地方，除咗擺放適量樟腦丸外，仲可以將鮮黃瓜、洋蔥以及仙桃葉擺放喺曱甴經常出沒嘅地方，又或者混合梳打粉同糖置於蟑螂出沒之處，約數天至兩周後，曱甴就會消失！
8）趕絕老鼠
老鼠好容易透過下水道入屋，唔少低層住宅人士有機會同佢哋見面！家居清潔係滅鼠重要的一步，要徹底斷絕鼠糧、及時清除垃圾、以及對廚餘做好密封儲存。同時喺鼠類出沒嘅地方投放鼠藥或者噴灑滅鼠藥劑，亦要封死室內破舊管道同所有與牆連接嘅孔洞。
9）保持家居乾爽
多使用抽濕機為家居物品抽走水氣，並於衣櫃、雜物櫃放置吸濕劑，盡量保持家具乾爽，係防蟲嘅必要預防措施。
延伸閱讀：【收納小貼士】 防潮 吸濕用品不可少
講到防蟲滅蟲，如果自己真係搞唔掂就要搵防蟲專家。其實如果你家居堆積太多雜物，亦係滋生蟲蟻嘅一大誘因。成日覺得家居空間唔夠所以堆到一屋雜物？咁就要搵儲存專家幫你手了！無論你只係需要一個箱嘅額外空間，抑或你需要多個儲物房，Boxful唔同嘅Plan總有一樣幫到你！
——
延伸閱讀：【抽濕攻略】家用 抽濕機 選購Guide
緊貼Boxful Blog同Facebook Page，獲取更多家居生活貼士！