香港人向來都緊貼科技，大家嘅生活同智能手機、平板電腦、Notebook、Wifi、充電器等息息相關。而當佢哋一齊充電之時，電線交叉糾纏，其實係一大煩惱。Boxful為你提供以下3個 電線收納 秘訣，等你嘅家居唔好俾電線破壞晒美感！
秘訣1）將類似電器電線一同收納
第一件事，唔好將各類電器四處分散、四圍咁放，搞到更難整理。一般會隨身攜帶嘅物品，例如手機、「尿袋」（充電器）、平板電腦等，應放喺同一處充電。而相機嘅充電線同配件，就應集中放喺同一處，咁樣就會好容易搵到所需物品。
秘訣2）善用文件箱、收納箱來收納電器電線
雖然喺市面上有好多專門收納電線嘅電線收納盒，但其實可以唔使專登去買呢一類產品。你家中一般嘅文件箱同收納箱，都可以勝任有餘。
好似遊戲機、Wifi機，你都可以利用文件箱收納。有啲文件箱後面有一個圓形小孔，可以用來穿插電線，好自然成為一個電線電器收納盒。
如果你家居有多餘的收納箱、收納盒，亦可以利用來收納延長線、拖版、火牛或小型電器。然後只要喺上面蓋一塊布料，就完全擺脫了電線痕跡，成為一個家居裝飾。
秘訣3）全部收在暗角
雖然收納唔係話將物品隱藏一二角就算，但電線收納就真係應該將佢哋收喺角落頭，只要將最需要的充電頭露出來可以，其他部作盡量放喺暗中嘅角落。
最常使用嘅充電頭，可以利用文件夾作為集線器，夾喺枱邊方便使用。而其他電線部分，除了可以用收納盒或收納箱放喺枱旁之外，亦可以用魔術貼將電線黐喺枱底，就唔會雜亂無章。
正所謂「魔鬼在細節」，細微細眼嘅電線如果處理得唔好，絕對係你家居嘅魔鬼！即刻就檢視一下你家中嘅各式電線，利用以上三大秘訣，睇下點樣可以做好 電線收納 啦！如果發覺屋企實在太多雜物，你又唔捨得扔？咁就搵Boxful幫你手啦！
——
延伸閱讀：關於家居收納的 10本好書
緊貼Boxful Blog同Facebook Page，獲取更多家居生活貼士！