新手貓奴速成班來啦！養貓前要搞清楚嘅三大要點：必備用品、基本開銷、養貓須知。唔少人俾貓咪可愛嘅樣吸引住，踏上養貓呢條十幾年嘅幸福之路。不過，真係要成為稱職嘅貓奴，唔係話玩玩就得㗎！即刻睇睇有咩準備啦～
首先，養貓前你要諗清楚幾個問題：
- 你屋企適合養貓嗎？
貓咪懶係懶，但空間都要夠佢玩、跳，維持健康好重要。而且屋企太亂可能會出事，貓咪會躲埋搞失蹤，甚至食咗啲唔乾淨嘢。最好有對外窗，等貓咪可以曬下太陽，仲有望住窗外世界都係佢嘅娛樂。 - 你有時間陪佢嗎？
雖然貓咪唔使出街散步，但佢哋都會寂寞嘅，成日唔見主人可能會鬱悶。所以養貓之前要考慮自己工作時間，係咪成日要飛去出差？ - 你有冇錢養貓？
唔好以為養貓淨係買糧食就完事，醫療費用都係大支出，尤其貓貓年紀大咗，病痛機會增加，呢筆錢唔可以唔計。
如果三條問題你都答Yes，咁恭喜你，已經準備好做貓奴啦！
養貓必備用品：
– 窗網：貓咪鍾意四圍望，窗網可以防止佢哋誤墮樓。
– 外出籠/包：外出一定要放籠/包，唔好俾貓咪亂跑，貓咪跑得超快，唔係咁容易抓返。
– 食器：建議用陶瓷、不鏽鋼嘅飯碗，易清洗，防止下巴生暗瘡。
– 飼料：初期以乾糧為主，揀天然少化學品嘅，等熟悉貓貓情況先決定轉濕糧定鮮食。
– 貓砂&貓砂盆：貓咪會習慣喺貓砂度方便，所以貓砂盆係必備。
– 貓床：貓咪訓覺時間長，舒適嘅貓床不可少。
– 貓跳台：俾貓咪適量運動，保持健康。
– 貓抓板/抓柱：可以俾貓咪磨爪子，唔使擔心佢抓壞傢俬。
– 玩具：逗貓棒、遙控老鼠，陪佢玩可以加強感情，仲可以減壓。
第一日返到屋企：
– 帶去獸醫檢查：檢查身體、驅蟲、打疫苗等。
– 保持距離：畀貓咪自己慢慢適應新環境，唔好迫太近。
– 用食物引誘：畀啲佢鍾意嘅零食，快速建立信任。
養貓開支：
初期買用品大概需要 $2000-3000，而每月基本伙食同貓砂開支最少都要 $1000-2000，萬一貓咪病咗仲會有額外醫療費用。
溫馨提示：家中有寵物自然想有更多空間俾佢哋享用，同時家中亦唔適合有太多雜物堆積。如果你需要額外空間去擺放家中雜物，Boxful可以幫到你！無論你只係需要一個箱嘅額外空間，抑或你需要多個儲物房，Boxful唔同嘅Plan總有一樣啱你用，即刻睇睇啦！
——
延伸閱讀：【巴打必讀】模型 Figure 玩具 の保養及收藏貼士
延伸閱讀：【 蝸居 實用攻略】令家居有更大空間感的12個貼士
緊貼Boxful Blog同Facebook Page，獲取更多家居生活貼士！