一塊好嘅地氈唔止可以提升屋企嘅整體美觀同舒適感，仲可以保護小朋友唔好跌倒。不過，地氈係塵蟎同細菌嘅溫床，定期清潔至關重要，唔洗俾佢變成過敏源，導致濕疹同哮喘等問題。唔同種類嘅污漬要用唔同嘅清潔方法，以下就分享多種清潔地氈嘅技巧同工具，同埋日常保養要點，助你保持地氈清潔。
想要好好清潔或者保養地氈，你需要準備以下幾樣工具：
- 吸塵器
- 橡膠手套
- 黏毛滾輪器
- 口罩
- 清潔劑（小蘇打、白醋、洗潔精或者地氈專用免洗清潔劑）
- 刷子除此之外，建議揀天氣好嘅日子清潔地氈，戴上口罩，保持屋企空氣流通，避免過敏反應。
6招洗地氈嘅方法
1. 清除水漬
如果唔小心濺到飲料或者食物係地氈上，首先要用紙巾吸乾水分。之後，可以試下用稀釋嘅白醋（1:2）或者地氈專用免洗清潔劑，噴喺水漬位置，靜待10分鐘，再撒啲小蘇打（吸走異味），用刷子清潔或者用濕式吸塵器，就可以清除水漬。
2. 清除油漬
如果污漬已經乾咗，可以先用刮刀慢慢刮走。之後，再用清潔劑、洗潔精或者白醋噴濕，軟化油漬，最後用刷子或者抹布擦拭，清除污漬。完成後，可以用濕式吸塵器再次清潔，然後放喺通風處晾乾。
3. 清除玻璃碎
如果不小心打破玻璃，碎片可能藏喺地氈度。大塊玻璃碎片先用掃帚清理，然後用膠紙或者其他黏性物品多次按壓，清除細碎玻璃。最後，小心地把地氈抖一抖，檢查仲有冇碎片。
4. 清除尿漬
如果家裡有嬰兒或者寵物，地氈可能會有尿漬。立即用紙巾或者抹布吸乾多餘嘅尿液，然後用稀釋嘅白醋（1:1）或者地氈專用免洗清潔劑，噴灑喺尿漬位置，靜待10分鐘。最後，可以撒啲小蘇打吸走異味，再用刷子清洗或者濕式吸塵器，就可以清除尿漬。
5. 清除毛髮碎屑
長髮掉喺地氈上唔止影響美觀，頭皮碎屑仲係塵蟎嘅食物源頭。市面上有唔少方便嘅黏毛滾輪器，滾一滾，就可以清除毛髮。
6. 清除塵蟎
塵蟎容易寄居喺地氈度，令人過敏。可以用濕式吸塵器清潔，因為濕氣可以減少揚塵，減低過敏反應。另外，定期將地氈放入乾衣機或者曬喺太陽底下，高溫會殺死塵蟎。
定期保養地氈嘅注意事項
除咗清潔污漬，定期保養仲重要，延長地氈嘅壽命同保持衞生：
- 每日吸塵，清除灰塵同毛髮，避免塵蟎滋生。清潔前，可以灑啲小蘇打去除異味。
- 每3至6個月轉動地氈嘅位置，均勻受力，延長使用壽命。
- 避免陽光照射，避免長時間陽光直射，防止地氈掉色或者失去彈性。
- 保持地氈乾爽，避免發霉同細菌滋生。
喺日常生活中，細節真係好重要，唔好忽略保持屋企環境清潔同整潔。
想衣物雜物保存得更好，可以考慮用迷你箱的方式存放！即刻搵我哋幫手啦！
——
緊貼Boxful Blog同Facebook Page，獲取更多家居生活貼士！