因為建材嘅熱脹冷縮、地震、漏水或者結構損壞，都有機會令到牆身出現裂縫。不過，如果裂縫細過2mm，就唔會影響樓宇結構安全，你可以自己動手修補。呢篇文章會同你講解牆壁點解會有裂痕，仲有教你點樣DIY修補牆身裂縫，令你屋企嘅牆面可以恢復平整同埋靚靚仔仔！
牆壁點解會有裂痕？
牆壁出現裂痕嘅原因有五種，包括建材熱脹冷縮、批盪收水、地震、漏水同埋結構受損。以下我會詳細解釋每種情況嘅成因，大家可以繼續睇落去：
1. 建材熱脹冷縮
無論係混凝土入面嘅鋼筋、牆體水泥、紅磚定係牆面油漆，都會因為氣溫變化而發生熱脹冷縮嘅情況，特別係唔同材質交接位（好似門窗周圍），熱脹冷縮會令裂縫更加嚴重。舉個例，你房間嘅油漆可能因為底漆膨脹系數太高，拉扯住面漆，搞到裂開甚至剝落。如果裂痕比較深，可能係因為批盪時水泥同沙比例唔啱，需要重新批盪先可以解決問題。
2. 批盪收水紋
新樓或者舊樓翻新後，批盪層因為濕度下降而收縮，會出現收水紋。呢啲裂痕通常只係裝修完成後半年內先出現，對樓宇安全冇咩影響。
3. 地震造成裂痕
雖然香港地震唔係好頻繁，但舊樓都有可能因為地震而出現裂痕。你可以根據裂縫嘅寬度、走向同埋位置判斷情況，如果裂縫寬度超過2mm，仲位於主力牆、樓板或者樑柱上，就可能危及安全，需要搵註冊結構工程師檢查。
4. 長期漏水侵蝕
如果樓宇有漏水問題，水泥同混凝土入面嘅鈣離子會同水結合，形成氫氧化鈣，再接觸空氣變成碳酸鈣，撐爆牆身灰層。失去鈣嘅水泥或者混凝土結構會變鬆，搞到牆身有裂痕，仲可能會爆鋼筋同石屎剝落。
5. 樓宇結構受損
如果物業附近有地層下陷、地基隆起，或者上層單位裝修太重，都會擠壓或者拉扯樓宇結構，造成牆身裂痕。
點樣修補牆身裂縫？
1. 小裂縫可DIY修補
如果裂縫係因為熱脹冷縮或者收水紋，仲唔係位於樑、柱或者主力牆，你就可以自己動手修補。以下係DIY修補牆身裂痕嘅步驟：
步驟1：準備批灰工具
喺開始之前，記得戴口罩防止吸入粉塵，仲要準備以下工具：
– 漆鏟
– 鎅刀
– 補牆灰或者補牆膏
– 砂紙
– 油漆
– 防裂網
步驟2：刮除周邊凸起物並𠝹深裂縫
先用漆鏟或者鋼刷清理裂痕兩側嘅凸起物同舊灰，之後用鎅刀將裂縫𠝹深大約2mm，咁可以增加修補物料同牆身嘅接觸面，等物料乾透後唔易脫落。
步驟3：執灰補牆
清理好裂痕周邊之後，就可以用漆鏟將補牆灰壓入裂縫。因為補牆灰乾咗會收縮，所以建議分兩次批灰。第一次只需補平裂縫，等第二次再修飾。如果裂縫係喺交接位，記得批灰前貼上防裂網，減低之後再次裂開嘅機會。
步驟4：髹油漆美化
第二次補牆灰乾透後，可以用砂紙打磨牆面，之後再髹上油漆。記得油漆要塗兩次先會有好嘅遮蓋效果，最好用返同一隻牌子同色號嘅油漆，咁乾咗之後先唔會有色差。
2. 結構樑柱大裂縫唔好DIY
如果樑柱或者主力牆有裂縫，特別係超過2mm嘅大裂縫，就唔好自己搞，因為可能代表樓宇結構已經受損。如果唔及時處理，水氣可能會滲入牆身，導致鋼筋生鏽。呢啲情況下，應該搵專業嘅結構工程師上門檢查。
3. 窗邊裂縫可能需要換窗
窗框同牆身嘅材質唔同，駁口位容易因為熱脹冷縮而出現裂痕。不過呢啲裂痕對樓宇結構安全影響唔大，只需重新批灰補平就得。如果裂縫導致漏水，或者裂縫超過2mm，就要搵師傅換窗。
Boxful 三種適合裝修時使用的儲存方案：標準儲物箱、上門迷你倉和自助迷你倉
上門迷你箱：分為文件箱、標準儲物箱、掛衣箱同埋大型物品四種方案。文件箱可以存放整理心法入面講嘅紙製品，每個月只需29元；標準收納箱可以存衣物同雜物，每個月39元。大型物品方案係適合20公斤以內、一個人可以攜帶嘅大件物品，每個月69元起。另外，衣櫃箱主要係放冬季大衣，每個箱約可以存12件，月費89元。
上門迷你倉：分為12、24、36、48或以上平方呎方案，分別可以存20個、40個、60個紙箱嘅物品，每月租金由$699起，呢個方案最大嘅好處係你可以喺呢個指定嘅空間度，存放你想寄存嘅大型物品，例如大型傢俬、嬰兒車同埋露營器材等。
自助迷你倉：係一種自助式迷你倉方案，Boxful於香港開設8間分店，你可以直接返去門市提存返你所儲存寄存嘅物品。每月有一次免費提存，可以隨時提存你嘅物品。最短儲存期都只係一個月，提供更多彈性嘅選擇。
Boxful儲存服務唔單止滿足你對高品質倉儲嘅需求，全天候保持穩定溫濕度，確保儲存物品妥善存放。同時嚴密監控你寄存嘅物品，立即幫你實現夢想中嘅質感生活！
——
延伸閱讀：【一機二用慳地方】具備空氣清新功能的 二合一抽濕機 推介
緊貼Boxful Blog同Facebook Page，獲取更多家居生活貼士！