一講起家居收納，女生們就一定會想起家中嘅幾十對（甚至幾百對）……鞋！無論你個鞋架、 鞋櫃 有幾大，永遠都會好似唔夠擺咁！與其夾硬將啲鞋塞來塞去，甚至要大量拋棄，不如睇下Boxful介紹番以下呢幾個創意鞋子收納法，既簡便又可增添收鞋空間！
1）鞋子要換季
首先要理解一下「收納」同「儲物」呢兩個概念。收納，係指將家居生活中嘅常用物品，井然有序咁整理好；儲物，則是將生活中不太常使用的物品，放在專屬的儲物空間，有需要時先攞出來用。
講到鞋，其實因應不同季節、場合，有分不同種類。例如在秋冬季，女士們會較常穿著靴、長筒鞋，而較少著涼鞋。另外，出席高貴場合嘅高踭鞋，亦不是經常會著。因此，第一步就係區分出，邊啲鞋近期會較常著，邊啲鞋會甚少著，將兩者分別以「收納」和「儲物」的方式處理。
要注意：鞋子會容易因潮濕環境而發霉或生出鞋臭，所以儲存前最好先讓鞋子在通風還境下放置幾日、通通風，而儲存時亦要同時要使用吸味劑、防潮包等。
當然，你亦可以選用Boxful嘅迷你箱服務，將近月少著嘅鞋子以膠箱妥善儲存！
2）使用伸縮棍：高踭鞋必備
如果你經常著高踭鞋，一定會試過啲高踭鞋放唔入啲鞋架。其實只要使用一啲晾衫或窗簾專用嘅伸縮棍，可以解決問題。 喺鞋櫃內放入伸縮桿，就如可以如圖中咁一隻放上面、一隻放後面，令本來要佔到兩隻鞋位的空間變成只需一隻鞋位，同時亦方便你更容易搵鞋著。
3）利用曬鞋架
如果你主要著平底鞋，就可以利用曬鞋架與伸縮棍來節省你嘅鞋櫃空間（如圖）。呢個方式，一來令鞋子冇咁易壓篇，二來洗完鞋之後又可直接用曬鞋架風乾，極之方便。
4）用掛鈎將鞋變裝飾
如果使用上述幾種方法，有些鞋仍然塞不進鞋櫃，咁可以試下「掛鞋」！讓鞋子成為家居布置的一部分，都幾有特色同個性！除了有裝飾作用以及節省空間外，另一好處係啲鞋會好通風。
——
延伸閱讀：【儲存攻略】 節日用品 阻地方，「一節一箱」幫到你！
緊貼Boxful Blog同Facebook Page，獲取更多家居生活貼士！