生活環境，對人有好大影響。當你家中嬰兒開始感受到周遭環境，甚至開始喺房內爬來爬去，就會靠五感去探索、接觸呢個空間，間接了解呢個世界。所以， 幼兒房間 嘅空間規劃，既要顧及父母們照顧BB時嘅方便程度，更重要係考慮寶寶喺房內活動嘅可能性及安全性。Boxful同大家睇睇幾個重點。
1）以生活作息做規劃
孩子喺幼兒時期，生活作息不外乎係食飯、瞓覺、玩同啟蒙性嘅學習。所以建議房間應以唔同嘅活動項目來區分：閱讀區、用餐區、靜態遊戲區、睡覺區等等。
至於呢啲區域如何安排布局，可以參考寶寶平日嘅作息順序做調整。例如閱讀區可以安排喺用餐區嘅隔籬，咁當媽媽喺用餐區準備寶寶食物時，寶寶可以喺閱讀區睇下繪本，同時父母亦可以睇住孩子。
2）讓孩子學習收納
遊戲嘅玩具收納，要用多少少心思去設計。父母可以利用收納箱，藉此訓練寶寶學習以不同嘅邏輯去分類玩具，同時訓練佢哋嘅空間概念。
另外，玩具區應以靜態玩具為主（積木等）。而動態嘅活動（如迷你滑梯、三輪車等）需要較闊落嘅空間，但一般香港家居空間有限，所以在室內進行要特別注意空間嘅調整同安全性。
3）注意色彩與光線
除了空間嘅區隔之外，房間嘅氣氛都會影響孩子情緒。一般兒童房嘅牆身都應選較溫暖、放鬆、舒服嘅顏色，例如：淡粉紅、粉藍、粉黃、粉綠等。而玩具或學習工具嘅顏色，就適宜選一啲色彩光亮、鮮艷嘅組合，容易令寶寶興奮同產生興趣。
仲有，幼兒房嘅採光度非常重要，有大窗戶、夠光猛嘅房間，對兒童嘅身心發展絕對有正面影響。
4）幼兒房的違禁品
特別提醒：孩子嘅房間經常會被家人亂堆物品，當咗係儲物室，咁樣絕對唔應該！
任何不屬於孩子嘅東西，尤其係對幼童有潛在危險嘅物件，諸如：母親嘅針線盒、手工藝工具，以至父親嘅健身啞鈴、戶外裝備等，絕對不應出現在孩子房間！任何在幼兒房間出現的物品，都要避免孩子不小心吞下或刺傷。
Boxful明白香港許多小家庭有空間不足嘅問題，建議大家，為咗孩子們嘅成長發展，好多不必用嘅家居雜物可以由Boxful暫時為你保管，等他日孩子長大了，才取回該些東西回家存放。
——
延伸閱讀：【新手媽媽必讀】 BB房 收納大法
延伸閱讀：【人生有幾多個十年？】踏入不同階段的不同 儲存需要
緊貼Boxful Blog同Facebook Page，獲取更多家居生活貼士！