好多人覺得，要喺港島區搵迷你倉比較難，而且價錢亦一定會比九龍同新界貴。呢個講法，有啱亦有錯。的確， 港島迷你倉 選擇冇九龍新界咁多，但其實近年已經愈開愈多，而價錢差距亦已經拉到好相近。小編近排就幫一位住南區嘅朋友喺香港仔搵迷你倉，做咗啲價錢比較。
1）最低消費之選
住喺港島南區嘅朋友，最就近嘅迷你倉分布於香港仔、鴨脷洲、田灣等工廠地帶。佢第一件事想知嘅係，喺呢區最低消費可以幾錢租到倉？
其實，如果只係需要放幾箱雜物，租個大約8平方呎嘅最細迷你倉就夠用，咁呢區嘅正價租金範圍介乎$550至$1,000不等，計埋預繳優惠平均大約$500至$700，同九龍區價錢相約。（請參考附表1）
但係計一計數，或者朋友用「上門迷你箱」服務會更加着數。以Boxful「標準迷你箱」為例，6個箱嘅月租只係$294，且免付按金（一般迷你倉都要繳付按金，相等1個月或2個月的租金），至少都慳番一、二千蚊。加上「首月減$500」優惠，完全係0蚊租用！而且有專人上門將物品入倉，省卻不少時間同氣力！計番一年嘅總支出不足$4,000，比起租用迷你倉平一大截，可以話係「最低又最抵消費之選」！
2）12平方呎之選
如果要儲存嘅雜物唔止幾箱嘢，真係要租個倉，咁其實租個12平方呎倉會實用啲，大約可以放到20個紙皮箱嘅物品。
香港仔一帶嘅迷你倉，12平方呎Size並唔難搵，不過部分倉都幾滿下，未必即時提供到。租金方面，面價由$700幾至過千，同九龍區價格都相差不大。如果預繳6個月或12個月，平均一個月$600幾至$800餘，全年支出大約$8,000幾至$10,000左右。（請參考附表2）
值得留意嘅係，Boxful「自助迷你倉」喺香港仔開咗分店，12平方呎月租正價只係$649，12個月預繳優惠月費$584，而家仲做緊$499月租優惠！「自助迷你倉」本身係有提存費，但呢個$499優惠會送埋每個月一次免費提存，好適合一般家庭用家。而免按金呢下又真係好煞食，最平俾$499就可以即租即用了。
3）24平方呎之選
最後我朋友都係決定「玩大啲」，考慮租個24平方呎迷你倉，因為全家人嘅雜物加加埋埋都唔少，24平方呎嚟講大約可以放40個紙皮箱，足夠一家大細嘅儲物需要。
喺香港仔，想搵個24平方呎迷你倉都唔係太難。正價月租$1,200起至$1,800左右。如果想慳啲，當然要享用預繳優惠，同埋要揀番啲只需俾1個月按金嘅迷你倉。（請參考附表3）
我朋友好醒，佢決定用Boxful「上門迷你倉」，都係24平方呎，月租正價$1,089，比起其他迷你倉平之餘，仲要免按金！又有專人上門幫佢搬貨入倉，自己乜都唔使煩！
小編結論：原來，而家喺港島區搵迷你倉一啲都唔難，以香港仔同南區為例，選擇都幾多，而且價錢亦同九龍區差不多，港島居民唔使再為咗平少少租而走去九龍租倉。不過由於於選擇多咗，租之前要多格價比較。另外，好似Boxful提供嘅「上門迷你箱」或「上門迷你倉」，唔使考慮跨區問題，價錢亦相宜，好值得考慮。至於「自助迷你倉」，亦係好適合一般家庭使用嘅方案，計落亦比起租傳統迷你倉平，相信將會係好多人嘅新選擇。
Boxful 自助迷你倉 全綫$499限時優惠
全綫自助迷你倉儲存月費 $499，包括每月一次免費提存！
——
延伸閱讀：【我的 迷你倉 血淚史】4大迷你倉煩惱
延伸閱讀：【 大型物品 冇位放？】Boxful上門服務幫到你
緊貼Boxful Blog同Facebook Page，獲取更多家居生活貼士！