因為「土地問題」，香港好多人都住喺蝸居，就算係結婚生仔之後嘅小家庭，往往都只能逼喺百零二百呎嘅實用面積之中。咁嘅情況之下，家中嘅儲物空間可謂捉襟見肘，如果家庭成員中仲有一個係 儲物狂 ，佢嘅收藏品塞滿屋……咁點算？
老公係儲物狂？
一般講到「儲物狂」，好多時大家都會諗起一啲「宅男」，或者所謂大唔透嘅男士。所謂「男人的浪漫」，會呈現喺佢哋嘅不同收藏品之中。有啲男士會收藏CD、影碟甚至黑膠碟；有啲就會狂儲模型、機械人、Figure等等（男人愛高達，女人唔明白）。有啲儲Game、有啲儲波鞋、有啲儲舊物，仲有各類型正經正路亦有離奇古怪嘅收藏，真係不能盡錄，每一樣都係學問嚟㗎！
有日，當呢啲男士成家立室，成為咗人哋嘅老公後，就會開始被另一半投訴：明明啲影碟、模型、玩具全部都未開封只喺度封塵，做乜要霸住晒啲位？第時仲要搵位放BB床㗎！啲嘢鋪晒塵會影響BB健康㗎！快啲同我扔晒佢！你唔扔我會幫你扔！
相關閱讀：【 儲物狂 不是 收藏家 】8條問題自我測試是否有 囤積病
老婆係儲物狂？
於是乎，男士們就會反擊，皆因老婆們其實亦有其儲物狂的一面，不過所儲嘅係好唔同嘅物品：手袋、鞋、化妝品……
其實，除咗以上幾種正路女性收藏品之外，好多老婆都一樣係「宅女」，佢哋會儲：卡通精品、明星物品、水晶寶石、砂煲罌罉……其狂熱程度同男士們絕對有得揮㗎！
所以調番轉，男士們亦會投訴：幾十對鞋邊度會著得晒呀！同一款煲買咁多隻色把鬼咩！你張化妝枱簡直係個垃圾堆呀！……
相關閱讀：【女士們必讀】收納整理5部曲，令 化妝枱 重見天日！
共同面對，積極處理
無論家中嘅老公定老婆係儲物狂，定係兩位都係，想好好處理問題，第一件事要記住：絕對不要私自扔掉對方的物品！咁樣兩人只會反面，令衝突惡化。
以下係一啲解決問題嘅小貼士：
1）想對方清理，先自行清理：唔好只睇到對方眼中嘅刺，而忽視自己眼中嘅樑木。與其逼對方清理過多的收藏品，不如先處理自己嘅收藏品。自己先行一步，對方就會願意都行一步。
2）互相協調，騰出空間：如果屋企有額外空間需要（如準備生BB），夫婦雙方應互相協調，共同商討點樣一齊騰出空間，而非單方面要對方騰出空間。因為呢件係共同嘅事，雙方都應有付出同參與。
3）接受轉變，釐清優先：男女雙方喺結婚之後，身分同責任都有轉變；而當他日有孩子出世，呢個轉變就更大。到底BB重要定係模型重要？作為父母應該要懂得取捨。
4）租用額外儲存空間：蝸居問題唔係一時三刻可以解決到，想搬更大間屋需要時間同金錢。想馬上有額外儲物空間，權宜之計係租用迷你倉或使用迷你箱服務。入箱/入倉嘅物品，亦應該同時包括夫婦雙方嘅物品，而唔係得一個人去處理。
講到額外儲存空間，咁就不妨搵Boxful幫你手！無論你需要迷你倉服務，定係更彈性嘅迷你箱，Boxful都可滿足到你嘅需要！
——
延伸閱讀：【搬屋收納必用】各式 儲物膠箱 大比併
延伸閱讀：【人生有幾多個十年？】踏入不同階段的不同 儲存需要
緊貼Boxful Blog同Facebook Page，獲取更多家居生活貼士！