春回大地，萬物滋生。目前疫症肆虐，大家都會特別注意個人衛生及家居清潔，而春天暖濕正係蛇蟲鼠蟻開始活躍嘅季節，佢哋嘅出現會為家居帶來更多細菌病毒， 防蟲 措施絕對不容忽視！等Boxful同大家研究一下防治蟲患的好方法，當中好多都係利用天然物料，一啲都唔化學！
1）防治曱甴
要殺絕家中蟑螂而唔用殺蟲劑，有人會教用硼酸，在藥房有售。將一小杯硼酸倒入熱水攪勻，用之拖地，風乾後地板面會有一層結晶體，曱甴走過即會中毒而死，十分有效！然而，如果家中有小孩或寵物，這個方法就不宜使用，因硼酸有毒性。
天然方法是以辣椒驅趕曱甴。原來牠們一嗅到辛辣味便會逃之夭夭，只要把新鮮辣椒、花椒或乾辣椒放在家中牆角，就能夠驅除蟑螂。
2）防治螞蟻
螞蟻有幾樣嘢怕，第一是蒜頭。只要放幾粒切開的蒜頭到清水中，以之拖地，螞蟻就會絕跡。若怕蒜味難聞，可以1:2比例的醋溝水，用噴壺噴於牆角、門邊、窗邊等位置，同樣有效。另外，可在螞蟻出沒之處滴檸檬汁，效果亦不錯。
梳打粉亦可用來對付螞蟻。把梳打粉堆成小丘，中間放點砂糖吸引螞蟻；當牠們中計吃下梳打粉後，會因消化不了而死亡。
3）防治塵蟎
塵蟎討厭肉桂味。以酒精加肉桂調製成噴霧，噴在床褥、被鋪、衣櫃等，再以除塵蟎吸塵機清潔；同時，床單、被套、枕頭套等要常用60℃以上熱水清洗，並在陽光下曬晾，塵蟎不再現！
4）防治衣魚
衣魚滋生在衣櫃、書架、牆紙背後等，愛好潮濕陰暗之處，樣子十分核突。衣魚除了怕光之外，亦怕八角味。可把八角放在透氣的布袋中，置於衣櫃書櫃，即可驅走書蟲及衣魚。
5）防治蚊子
防蚊的天然方法有很多，許多盆栽都有驅蚊功效，如薄荷、天竺葵、羅勒（金不換）、萬壽菊等，都適宜在家居種植用來驅除蚊蟲、
此外，用橙皮、檸檬皮、柚子皮等曬乾後，切絲放入透氣布袋，即成天然驅蚊香包。亦可將這些果皮以器皿盛載，於露台、窗邊煄燒，即是天然蚊香。
6）防治穀牛
久放的白米，會滋生黑色小蟲穀牛，雖吃下無害，但絕不衛生。防治穀牛，可把米置入雪櫃中存放數天，穀牛即全數死亡，之後只要洗米時洗乾淨，便無問題。
7）防治卜泥
卜泥是Booklice的英文譯名，俗稱牆蝨、書蝨，天氣潮濕之時會在牆身出現，形如啡色小點，以霉菌為食糧。對付卜泥，可把橙皮、檸檬皮浸水一小時後加入白醋，以之抺牆。既能驅蟲又可防霉。
8）防治床蝨
睡覺時經常感到痕癢，可能是床蝨作怪。可關好門窗，在鐵罐中火燒艾條，以煙燻睡房數小時，床蝨即除。另外，床蝨亦怕矽藻土粉，將之撒在蝨患出沒位置，亦相當有效。
講到底，家居防蟲第一件事，其實係平日注意家居整潔及衛生。如果你家居堆積太多雜物，搞到潮濕發霉，自然就容易滋生蟲蟻。覺得家居空間唔夠所以堆到一屋雜物？咁就要搵儲存專家幫你手了！無論你只係需要一個箱嘅額外空間，抑或你需要多個儲物房，Boxful唔同嘅Plan總有一樣幫到你！
Boxful 上門儲存月費優惠
上門迷你箱及上門迷你倉服務可享首月免費 $500 儲存月費優惠！
——
延伸閱讀：【全城 抗疫 】家居防疫措施全攻略
延伸閱讀：【天然空氣清新機】有效改善家居空氣質素的10種 室內植物
緊貼Boxful Blog同Facebook Page，獲取更多家居生活貼士！