踏入風季，天文台早於年初已預測今年（2019年）會有4至7個熱帶氣旋進入本港500公里範圍內，有直接威脅性，更不排除會有10號風球。風季雖延至6月或之後才開始，但雨量會偏高，介乎2,300至2,900毫米。面對暴風暴雨來襲，大家應要喺打風前做好以下家居 防風 措施，以減低風暴對家居財產及生命嘅損害。
防風措施（1）玻璃窗
如果你住喺10樓以上嘅高層單位，又或者單住外較開揚空曠，颱風期間嘅強烈陣風好有可能會吹爛啲窗。若你嘅沙發、床好靠近窗，咁就有一定嘅危險。
你可以考慮為窗戶貼上一層透明膠貼（用來遮光的膠貼），雖然未必可以防止窗戶玻璃被吹爛，但可以有效減低玻璃碎裂程度，減低家人受傷嘅機會。
另一方面，雖然好多人爭論喺窗戶用牛皮膠紙／膠布貼X字有冇用，但咁樣做同樣可以減輕玻璃碎裂程度，有做都好過冇做。
防風措施（2）門口
呢個係針對地下（如村屋、獨立屋）嘅家居，尤其係低窪地區，打風最驚水浸入屋。所以打風前最好喺大門口堆定沙包，防止雨水入侵。沙包要堆3至5層去到及膝位置。
傳統沙包又大又重，不易收納。而家有一種環保沙包，又輕又薄，裏面係吸水力強嘅聚合物，一吸咗水就會脹大，不過只可以使用一次。
防風措施（3）窗邊／冷氣位
窗戶邊、窗框邊、冷氣機邊位等，都係打風時十分容易滲入雨水嘅黑點，一個不留神，室內就會出現小水浸。
建議每年喺風季前，都要檢查一下呢啲高危位置，作出必要嘅修補。尤其係窗戶外框同牆身嘅接駁位，因為長期日曬雨淋好容易有破損出現裂縫，必須搵師傅補充防水矽膠，以策萬全。
防風措施（4）水槽／排水孔
如果你住低層單位或者村屋／獨主屋，就要注意呢一點。無論係廚房／廁所嘅鋅盤，或者係浴缸／企缸，喺打風前都要留意
呢啲去水位是否排水通暢。如果排水不暢順，就要清理水槽、清走阻塞物。
同樣地，廚房及廁所嘅排水孔，萬一外面溝渠淤塞時，好容易有污水倒流入室內。打風前可以用水孔蓋將之緊閉，防止有水倒流。
防風措施（5）露台
如果你露台有擺放洗衣機，打風前必須拔出插蘇，並且將插蘇同電線用膠帶綁好，避免弄濕。同時，用膠紙將插座封起，防止入水而產生觸電危險。
溫馨提示
如果你屋企雜物堆積處處，絕對有機會影響家居安全。喺打風嘅日子，應該將近窗戶嘅雜物移到安全嘅地方，一旦發生漏水或更嚴重嘅意外時，可以減少損失。家居雜物真係太多的話，不如搵Boxful幫你儲存！Boxful嘅儲存費用可以係逐個箱計，用幾多俾幾多！同時亦有按面積計算嘅迷你倉服務，悉隨尊便！而且以上兩者都係有專人上門幫你搬貨入倉，省卻不少麻煩。而家Boxful仲有埋俾顧客自己進行儲存嘅自助提存倉，令你有更彈性選擇！
——
延伸閱讀：【防潮攻略】冷氣機可以代替 抽濕機 嗎？
延伸閱讀：【儲存貼士】 家居儲存 的7大危機
緊貼Boxful Blog同Facebook Page，獲取更多家居生活貼士！