「本來無一物，何處惹塵埃？」呢句話絕對係真理！如果你嘅家居好少雜物、好整齊，就自然冇咁多灰塵啦！不過大多數人家中又亂又多雜物，又少時間收拾，真係冇可能唔去經常吸塵，所以一部適合你家居嘅 吸塵機 真係好重要！選購吸塵機要注意啲乜？等Boxful同大家研究下。
吸塵機，已經係現今每個家庭必有嘅電器用品，係最基本嘅清潔工具。市面上出售嘅吸應機選擇有好多，多到大家唔知點揀好，其實因應不同家庭嘅特定需求，應該揀番部最合適嘅；如果你買咗部唔啱用嘅吸塵機，只會令你更懶於吸塵。所以先了解一下，市面上嘅吸塵大致分為6大類：
吸塵6大類
1）無線吸塵機
自某牌子推出第一部充電式無線吸塵機之後，無線吸塵機成為近年市場主流。佢嘅特點係吸力強而穩定，但一般充滿電後只可使用20至30分鐘。
2）桶式／罐式吸塵機
此乃最傳統的吸塵機，通常附有滾輪，方便在地上移動。軟身嘅吸管接駁吸咀，伸縮自如，方便清潔，操作容易，適合用於硬地板。
3）直立式吸塵機
直立式真空吸塵機在外國比較流行，因其外型設計長而直，體積相對大，比較適合大單位家庭。而佢嘅吸咀設有摩打推動嘅轉動刷，可以深度清潔地毯。
4）手提吸塵機
最小巧嘅一種，無線充電，可以用嚟清潔如書枱丶沙發丶窗簾、車廂等。
5）水濾式／蒸氣式吸塵機
呢兩款吸塵機較為冷門。水濾式吸塵機將吸入的塵埃直接溶於水，並可過濾廢氣，適合有過敏嘅人士使用。蒸氣式吸塵機就以噴出高壓水蒸氣，去清除污漬並殺菌。
6）吸塵機械人
懶人至愛，一般呈圓餅型，智能導航自行移動吸塵，更可完成後自動返回「基地」充電。但其吸塵效能一般，不及其他吸塵機，只適宜淺層清潔。
選購吸塵機8個小貼士
1）你的家居環境
你屋企係地板定地毯？面積有幾大？有冇小朋友或小動物？有冇樓梯？呢類環境因素直接影響你嘅選擇。
2）考慮吸塵頻率
如果你一星期先吸一次塵，咁可能傳統嘅桶式吸塵機會較適合你，因為佢吸力較強大，亦有不同功能。但如果你比較有潔癖，隨時都會想吸塵，咁無線吸塵機會係你較佳選擇。
3）有袋或無袋
直立式同桶式吸塵機，通常會分無袋或有袋。無袋，即係佢有個可重複使用嘅垃圾廂；有袋，即係佢有個需要替換嘅垃圾袋。後者雖然唔係要經常替換垃圾袋，但始終日後會有額外支出。但前者在倒垃圾時會比較麻煩，會有灰塵逸出，不適合有過敏者。
4）噪音量
吸塵機基本上都係好嘈，唔會有完全靜音嘅；吸塵機械人可能較為靜少少，不過佢吸力又未必合你要求。所以如果你特別對噪音敏感，就要留意唔同牌子或型號所產生嘅聲浪，盡量揀你可以接受嘅程度。
5）附加配件
通常啲吸塵機都有不同附加配件，因應你唔同嘅清潔需要，不妨留意下啲配件係咪啱你用。特別係當你家居有好多細窄難觸及嘅位，或者有小動物，就要留意有冇適合你用嘅對應配件。
6）HEPA過濾
而家好多吸塵機有高效微粒空氣過濾器（HEPA），即係話可以過濾99.97％可能對健康有害的粒子。如果你或你家人有過敏，就要選擇有HEPA過濾器嘅吸塵機。
6）吸力功率
購買吸塵機除了參考「電功率」外，亦要留意「吸力功率」。電功率即係耗電量，以瓦特（Watt）為單位，一般吸塵機約300至1,100瓦特。吸力功率係吸塵機實際嘅清潔效能，單位都係瓦特（Watt），吸力功率850瓦特嘅吸塵機已夠一般家居用途。
7）重量
有啲吸塵機雖然效能好好，但可能機身好重，未必適合每個人使用。即係係無線吸塵機，亦有一定重量，一般女士要舉起佢去吸都未必係易事。所以購買時要留意機身重量。
8）電線
雖然無線吸塵機已係大潮流，但總有啲家居唔適合用無線式。如果要選購有線式，就要留意電線長度、電線是否容易收納等。
減少家中雜物
想家居整潔少塵，除了要勤於吸塵打掃之外，減少喺家中堆積雜物都十分重要。建議大家，可以將平日甚少用甚但又不想捨棄的雜物，裝箱另外儲存，咁樣做仲可以增加你家居室內空間添！不妨考慮用迷你箱的方式存放，即刻搵Boxful幫手！
——
延伸閱讀：【抽濕攻略】家用 抽濕機 選購Guide
緊貼Boxful Blog同Facebook Page，獲取更多家居生活貼士！