熱辣辣嘅夏日，多雨同埋悶熱天氣，令蚊蟲再次活躍滋生。想有效地防蚊，免得大家皮膚被蚊子咬到紅腫癢、連覺都被咬醒，甚至有機會感染經蚊子傳播嘅各種疾病，大家為咗喺室內驅蚊，第一時間都會安裝驅蚊器，但想更徹底趕走蚊蟲，令細路生活喺舒適無蚊嘅居家環境，除驅蚊器外，亦有以下5個防蚊方法可以參考：
5大家居驅蚊方法
家居驅蚊方法1. 時刻保持家居清潔
蚊子最鍾意潮濕嘅環境，屋企積水係佢哋嘅「至愛」。所以，防蚊嘅第一步就係努力清理容易積水嘅高危地方，例如盆栽、冷氣機托盤、排水渠等位置，都有助長效驅蚊。另外，定期用1：99漂白水清洗排水渠，亦能防止蚊蟲滋生。
家居驅蚊方法2. 妥善佈置家居
除咗加裝窗簾同蚊網，亦有其他方法阻止蚊蟲入侵；市面上有售嘅防蚊油漆，有助滲透並破壞蚊子嘅中樞神經，令佢哋癱瘓同埋死亡，於唔影響人類健康嘅情況下驅蚊滅蚊；研究發現，蚊蟲鍾情紅色、橙色、黑色同埋青藍色，喺房間配色上作精明選擇，亦有助減少蚊蟲來襲。
家居驅蚊方法3. 自製驅蚊產品
蚊子對唔少藥材嘅氣味特別敏感，可以考慮自製防蚊香囊，將艾葉、丁香、石菖蒲、白芷、薄荷等芳香類中藥材打碎同埋磨成粉末，放入小袋度，再放喺房間或者隨身攜帶，全方位驅蚊。呢啲香氣一般能夠持續約一個月，令蚊子敬而遠之。
家居驅蚊方法4. 主動出擊拍蚊
蚊子具有「連帶記憶」，所以當您見到蚊子時，不妨主動出擊，即使未擊中，但蚊子經歷「生死邊緣」之後，就會產生迴避記憶。下次再接近您時，憑氣味認出您係危險目標，主動避開。
家居驅蚊方法5. 喺房間放置驅蚊草等驅蚊植物
另一個可以趕走佢哋嘅方法，就係喺室內種植唔同嘅天然驅蚊植物，例如驅蚊草、香茅、艾草、薰衣草等，透過植物嘅香氣刺激蚊子，趕走佢哋。
想杜絕蚊患，保持家居整潔及衛生尤其重要。如果你家居堆積太多雜物，搞到潮濕發霉，自然就容易滋生蚊蟲。覺得家居空間唔夠所以堆到一屋雜物？咁就要搵儲存專家幫你手了！無論你只係需要一個箱嘅額外空間，抑或你需要多個儲物房，或者你想租自助迷你倉，Boxful唔同嘅Plan總有一樣幫到你！
——
延伸閱讀：【 防蟲 攻略】防治家居蟲患的天然方法
緊貼Boxful Blog同Facebook Page，獲取更多家居生活貼士！