洗衣機喺我哋日常生活中常用嘅家居電器之一，幫手我哋輕鬆洗乾淨衫物。但如果長期唔清潔嘅話，就有可能令衣物越洗越髒，所以定期保養絕對唔可以少！等Boxful教大家點樣正確保養洗衣機啦！
日常洗衣機保養貼士
洗衣機保養貼士1：保持通風，長開洗衣機蓋
洗完衫之後，要打開洗衣機蓋子，等洗衣機內嘅水分蒸發乾，先可以閂埋蓋子。咁樣就唔會有異味同細菌滋生啦。
洗衣機保養貼士2：唔好用太多洗衣液
如果用太多洗衣液或者洗衣粉，唔單止冇辦法好好稀釋，仲有可能腐蝕洗衣機嘅軸承，令洗衣機損壞。而且，洗衣液或者洗衣粉如果洗唔乾淨，會殘留喺機器裡面，時間長咗就可能令排水系統堵塞。殘留嘅洗衣液或者洗衣粉都有可能造成污垢，令洗衣機發霉。
洗衣機保養貼士3：唔好一次洗太多衣物
如果洗衣機裝得太滿，可能會令到水流無法流動到每個部位，造成清洗不均勻。最好根據洗衣機的容量，適量放入衣物，確保清洗效果。
洗衣機保養貼士4：定期每月做一次洗衣機清潔
用過洗衣機超過半年，洗衣機內外筒之間就會有一啲毛屑、污漬、污垢堆積起來，好易會滋生有害細菌，清洗衣物就會造成「二次污染」。所以，每個月都要對洗衣機進行清潔。可以買專用洗衣機清潔劑進行定期清潔，或者用小蘇打粉清潔同埋檸檬酸殺菌。
清潔洗衣機方法
- 先用（小蘇打粉+熱水清潔）
- 放水到達滿水位，或者用洗衣機的「槽清洗」功能，加入1杯（約100克）小蘇打粉
- 讓洗衣機攪動3至5分鐘後，靜置浸泡30分鐘以上
- 然後放水，再放滿清水，用一般洗程清洗，將剩餘未溶解的小蘇打粉洗淨
- 再用（檸檬酸殺菌）
- 洗衣機清潔乾淨之後，放滿水，加入1杯檸檬酸（可參考產品說明決定加入的量）
- 等洗衣機攪動幾分鐘之後，同樣浸泡30分鐘以上，再用清水清洗一次。
但用清潔劑浸泡的清洗方法只能溶解表面的污垢，亦都可能造成小蘇打粉或者檸檬酸的殘留，所以還是建議每年1次至1年半就要請專業師傅進行徹底清潔！平時保養再加上定期的大掃除，令洗衣機保持乾淨，就可以確保每日著嘅衣服都是真正乾淨啦！
Boxful再次提提大家，喺收納冬天衣物前要作出適清洗處理，先可以令衣物妥善保存，到下年冬天攞出來時新嘅一樣！
——
延伸閱讀：【天然空氣清新機】有效改善家居空氣質素的10種 室內植物
緊貼Boxful Blog同Facebook Page，獲取更多家居生活貼士！