天氣逐漸溫暖潮濕，蚊蟲大軍又嚟報到！想家居無蚊蟲入侵？除咗勤打掃，保持乾淨衛生，安裝防蚊窗網都係必要嘅。不過，總有「漏網之魚」搞到你頭痛。今次教你唔使殺蟲水，用家中常備嘅「小法寶」，自製10大天然驅蟲法，幫你有效對付螞蟻、蟑螂、蚊子、衣魚等家居常見昆蟲。呢啲天然方法唔含化學成份，安全無毒，特別適合有小朋友同毛孩嘅家庭使用。
10大天然驅蟲法
1. 咖啡渣：除臭除濕兼驅蟻
咖啡渣有除臭除濕功效，驅走螞蟻。將咖啡渣曬乾或低溫烘烤，灑喺窗邊、門邊、牆角，即可迫螞蟻搬家。
2. 梳打粉加糖：糖衣陷阱殺螞蟻蟑螂
將梳打粉同糖以1:1比例混合，置於螞蟻蟑螂出沒嘅地方，誤食後消化不良而死亡。
3. 白醋加水：消毒除菌驅蟲
白醋加水以1:1比例混合，抹乾淨螞蟻、蟑螂出現嘅地方，消毒除菌並去除吸引昆蟲嘅味道。
4. 九層塔：強烈氣味驅蟲
九層塔曬乾或烤乾後味道更重，放入舊絲襪或紗袋中，置於陰暗處、牆角、櫥櫃或抽屜，驅走蟑螂、螞蟻等昆蟲。
5. 檸檬：汁驅蟻、皮驅蟑螂
檸檬汁滴喺螞蟻出沒嘅牆邊，檸檬皮曬乾或烘乾後切絲，放入舊絲襪或紗袋中，置於櫥櫃、抽屜或蟑螂出沒嘅地方。
6. 八角：驅走衣魚
八角濃烈氣味有效驅走衣魚。放入舊絲襪或紗袋中，置於書櫃或衣櫃內。
7. 蒜頭：有效驅跳虱
蒜頭強烈氣味驅散跳虱。去皮蒜頭放入絲襪或紗袋中，置於陰暗角落如床下或櫃內；或將蒜頭泡水搗成細末，加水裝噴壺，噴於有昆蟲出沒嘅地方。
8. 橙皮：天然防蚊包
橙皮嘅味道蚊子最討厭。橙皮切絲曬乾，放入舊絲襪或紗袋中，掛喺窗旁；或橙皮螺旋形去皮曬乾塗蠟，放罐內點燃加強氣味。
9. 番梘水：驅蟑螂及滅蚊卵
番梘刨成絲加熱水，溶解後噴灑於蟑螂身上；番梘水氣味誘使蚊子產卵，但蚊卵無法生存。
10. 茶樹油：止痕消腫兼驅蚊
茶樹油止痕消腫，用香薰機或擴香器加幾滴茶樹油，空氣中瀰漫茶樹油氣味，蚊子自然遠離。
6個消暑貼士
1. 保持通風：
開窗通風，保持室內空氣流通，有助降低室溫。
2. 使用風扇：
風扇可以加強空氣流動，配合冷氣使用更節能。
3. 涼水擦身：
用涼水擦身或沖涼，迅速降溫。
4.多喝水：
保持身體水分充足，避免中暑。
5. 冷敷：
用濕毛巾敷在頸部、手腕等部位，有助降溫。
6. 避免高溫時段外出：
盡量避開正午高溫時段，減少中暑風險。
呢10大天然DIY驅蟲法寶，加上貼心消暑貼士，幫你同昆蟲大戰中取得全面勝利，令你家居重拾清爽自在！
想杜絕蚊患，保持家居整潔及衛生尤其重要。如果你家居堆積太多雜物，搞到潮濕發霉，自然就容易滋生蚊蟲。覺得家居空間唔夠所以堆到一屋雜物？咁就要搵儲存專家幫你手了！無論你只係需要一個箱嘅額外空間，抑或你需要多個儲物空間.，或者你想租自助迷你倉，Boxful唔同嘅儲存計劃總有一樣幫到你！
——
延伸閱讀：【 防蟲 攻略】防治家居蟲患的天然方法
緊貼Boxful Blog同Facebook Page，獲取更多家居生活貼士！