如果你屋企有養貓貓狗狗等毛孩做寵物，咁你就要特別注意家居衛生同收納方案。家居衛生情況，會直接影響寵物同家人嘅健康，而佢哋毛髮嘅處理亦往往係一件煩惱事。另外，點樣收納寵物嘅食物、玩具、用品等，大家一齊嚟研究下！
點樣設計一個舒適嘅毛孩安樂窩？
愈來愈多人養貓狗，但香港嘅居住空間有限，點樣透過裝修設計，為毛孩打造一個舒適嘅家？以下幾個設計貼士可以幫助你令毛孩住得更開心。
了解毛孩習慣，揀啱材料，重點防抓防滑
每隻毛孩嘅習性都唔同，例如貓貓鍾意跳上跳落，仲會磨爪；狗狗則有地盤意識，會隨地小便。喺裝修或者搬屋時，可以考慮佢哋嘅行為習慣。揀耐磨、防水嘅材料會更加實用。梳化方面，布質梳化會吸毛同吸引貓貓磨爪，可以揀貓抓仿皮梳化，咁貓貓可以盡情磨爪，而又唔會咁易損壞。地板可以考慮鋪有凹凸紋理嘅瓷磚，減少貓狗跑動時滑倒嘅風險。牆身方面，盡量用油漆代替牆紙，避免俾貓貓當磨爪工具。
門窗加裝護網，避免意外
香港多數樓宇都係高層，為咗毛孩嘅安全，建議喺窗戶或者露台加裝護網，避免佢哋睇風景時唔小心「跌落街」。另外，可以裝寵物門欄防止毛孩進入廚房搗亂，不過要注意欄杆間隙唔好太大，防止牠哋夾住或者卡住。喺室內房門，可以裝寵物門，方便毛孩自由進出。
融合儲物同攀爬空間
如果你養貓，可以將儲物空間同貓跳台結合。設計儲物櫃或者書架時，預留通道俾貓貓爬上爬落，櫃頂或者書架頂都可以成為貓貓嘅通行區。如果樓底夠高，可以喺天花加裝木層架，俾貓貓行喺天花之間。另外，可以喺走廊或者櫃底裝貓抓板，俾貓貓磨爪。
如果你養狗，雖然狗狗唔會爬高，但最好留足夠空間俾佢喺室內活動，同時方便佢見到家人，減少亂吠。傢俬最好揀實木嘅，防止俾狗狗咬爛。由於狗狗會隨處小便，建議唔好用織物地毯，膠地毯清潔方便。另外，出門放電後可以設玄關位做「除塵區」，方便清理狗隻嘅腳。
考慮洗手間改造成寵物廁所，儲物櫃可以設置隱藏式嘅貓狗糧碗，慳位之餘又保持家居整潔。
溫馨提示：家中有寵物自然想有更多空間俾佢哋享用，同時家中亦唔適合有太多雜物堆積。如果你需要額外空間去擺放家中雜物，Boxful可以幫到你！無論你只係需要一個箱嘅額外空間，抑或你需要多個儲物房，Boxful唔同嘅Plan總有一樣啱你用，即刻睇睇啦！
——
延伸閱讀：【巴打必讀】模型 Figure 玩具 の保養及收藏貼士
延伸閱讀：【 蝸居 實用攻略】令家居有更大空間感的12個貼士
緊貼Boxful Blog同Facebook Page，獲取更多家居生活貼士！