玩具，絕對唔係小朋友嘅專利。今時今日，好多大朋友（尤其係大男孩）都會買玩具，例如高達模型、超人Figure、動漫公仔等等，而且仲會買到一屋都係！屋企咁多 模型 Figure 玩具 ，到底應該點樣收藏同保養，先可以令佢哋歷久如新呢？以下係一啲玩具保養重點，玩具迷不可不知！
玩具除咗係細路嘅玩樂物品，亦可以係大人嘅收藏品。「有錢嘅話，要有自己專屬嘅玩具倉！」相信呢句話係好多玩具迷嘅心願。收藏玩具係咪真係一定要有玩具倉呢？除咗出產地區、稀有程度同受歡迎程度會影響玩具嘅收藏價值之外，保存嘅環境都直接影響收藏品嘅質素。大部分玩具由膠、金屬、布料做成，有啲玩具仲會塗上顏色鮮艷嘅油漆。所以，「防塵、防熱、防潮」成為保養玩具嘅要訣之一。無論你係屋企收藏定係租用迷你倉，都要小心留意以下儲存玩具事項！
五大儲存玩具注意事項
1. 防塵
灰塵會侵蝕膠、布料同金屬材質。長期積塵會令玩具表面變色、生銹，破壞玩具原有嘅形態。市面上有唔同款式嘅中小型玻璃櫃同亞加力膠櫃，可以有效防止塵埃，同時亦可以展示玩具，一舉兩得。如果租用迷你倉，都可以帶埋玻璃櫃一齊儲存，達到雙重保護。
2. 隔熱
有見過暴曬過嘅沙灘椅嗎？膠製品喺過熱同過多紫外線嘅侵蝕下會快速老化、褪色、溶化甚至斷裂。玩具上嘅油漆都會因為受熱起泡、剝落。所以一定要隔絕玩具同太陽接觸，避免太陽直射。另外，收藏者都應該盡量喺恆溫環境中保存收藏品。
3. 防潮
如果玩具本身有好多細緻嘅設計，要清潔實在唔容易。加上香港天氣過於潮濕，難以察覺嘅霉菌會逐漸侵蝕玩具嘅細節部分，到發現嘅時候已經太遲。乾爽嘅環境有助防黴防菌，抽濕機係保存玩具最佳狀態嘅好幫手。
4. 安全
收藏玩具肯定少唔到昂貴嘅限量版，亦都一定花咗唔少錢。所以，將呢啲寶貝收藏喺一個安全嘅地方非常重要！擺放喺只有你可以接觸到嘅地方，唔好畀外人隨便摸，尤其係細路或者寵物。
5. 空間感
收藏品越收越多，我哋需要嘅收藏空間就越嚟越大。如果將佢哋收藏喺屋企，可能會令我哋嘅生活空間越嚟越狹窄。除此之外，如果將太多收藏品存放喺一個狹小嘅空間，亦都會增加收藏品受損嘅機會。所以，你需要一個專屬嘅收藏空間，而且最重要嘅係唔會影響你嘅生活空間。
BOXFUL迷你倉輕輕成為你夢寐以求嘅玩具倉。BOXFUL倉庫設有24小時室溫監控同保安系統嘅迷你倉，確保收藏品嘅安全，加上一站式上門儲存服務，能夠為你提供包裝物料及安全第三方搬運服務，收藏玩具完全無難度。
溫馨提示：如果你間屋已經太多模型 Figure 玩具，需要額外空間妥善咁收藏你嘅心頭好，Boxful可以幫到你！無論你只係需要一個箱嘅額外空間，抑或你需要多個儲物房，BOXFUL唔同嘅Plan總有一樣啱你用，即刻睇睇啦！
——
延伸閱讀：【老公 Vs 老婆】邊個先係 儲物狂 ？
緊貼Boxful Blog同Facebook Page，獲取更多家居生活貼士！