政府在2023/24年稅季推出「租金開支扣除」免稅額，為不少租樓人士減輕負擔。只要你係冇住宅物業但租樓住嘅納稅人，就可以申請，每個課稅年度上限10萬元。下面整合咗租屋扣稅嘅注意事項同計算方法，幫你輕鬆了解如何扣稅慳錢。
香港租樓係可以扣稅
租金免稅額已經喺2022年4月實施。與「居所貸款利息扣稅」最大嘅分別係「租金開支扣除」冇年期限制，每個課稅年度最高可扣減港幣10萬元。簡單嚟講，如果你租住嘅住宅物業平均月租係港幣$8,333，你就可以用盡該年嘅租金免稅額。
住宅租金扣稅資格
如納稅人要取得租金扣稅資格，需符合以下條件：
– 納稅人在港未持有任何私人物業
– 納稅人並非公屋單位的租客或認可佔用人
– 租住物業的業主非納稅人親屬或相聯者，如配偶、父母、配偶父母、兄弟姊妹等
– 租約必須已打厘印
住宅租金開支扣稅適用於哪類住宅？
合資格的住宅必須係冇受任何法律或指明文書禁止作住宅用途的建築物或其任何部分。租用單位必須係納稅人的主要居所，如果納稅人同時租住兩個或以上單位，亦只可以有一個單位定義為「主要居所」。稅局亦有機會要求納稅人提交水費、電費及煤氣費賬單作證明文件。如租用嘅單位包括車位，而該車位並未有分租出去，同樣會視為租金扣稅的一部分。要留意住宅租金開支扣除，並不適用於公屋單位的租客或認可佔用人。
如有兩份租約期重叠，應怎計租金？
如報稅期內，租約期不足一年，租金就需要按比例減少扣除上限。即如果租約期只有9個月，扣稅上限就只有港幣7.5萬元。如果一年內納稅人曾經轉租，而租住居所的兩份租約期有重叠，就要視乎哪一個單位在當時被定義為「主要居所」。
租金扣稅計算
個人計算
「租金開支扣除」不設年期限制，每個課稅年度最高可扣減港幣10萬元。實際可扣除租金會根據該課稅年度繳付的合資格租金，或者租金扣除上限，以數額較小者為準。簡單嚟講，如果納稅人租住的住宅物業，平均月租是港幣$8,333元，那麼基本上已可用盡該課稅年度的租金免稅額。
夫婦計算
一般來說，夫婦同住一單位，租金扣稅上限同為港幣10萬元。無論兩人是否平均繳付租金，夫婦租金扣稅額都係平均分配，即每人每年租金扣稅上限為港幣5萬元。如租約由同住配偶簽訂，亦可以作為納稅人租金扣稅之用。
合租計算
如物業係與家人或朋友合租，合租者只要符合申報條件，都可以申請扣稅。有關租金扣稅金額係按合租人數比例計算，例如物業係4人合租，則每人平分最高港幣2.5萬元的租金扣稅額。
Boxful 上門儲存月費優惠
上門迷你箱及上門迷你倉服務可享首月免費 $500 儲存月費優惠！
——
延伸閱讀：【搬屋收納必用】各式 儲物膠箱 大比併
緊貼Boxful Blog同Facebook Page，獲取更多家居生活貼士！