服務式住宅（Serviced Apartment）而家越嚟越受歡迎，唔少人都會揀呢種住屋模式，尤其係屋企裝修期間！無論你係長租定短租，或者想有煮食設備定係酒店式服務，服務式住宅都可以滿足你既需要，帶俾你舒適又方便嘅生活。以下介紹點樣揀啱自己嘅服務式住宅，仲有入住時要注意嘅地方。
服務式住宅優點
1. 靈活租期：可以長租又得，短租又得，特別適合商務客、學生、新移民等。
2. 設施齊全：通常有齊廚房、洗衣設備、家具，住得似返屋企。
3. 好地段：通常位於市中心，生活方便，交通又方便。
4. 專業管理：有24小時保安、定期清潔、維修、禮賓服務等。
5. 高性價比：相比酒店，服務式住宅更加抵住，特別係長租既情況下。
點樣揀適合嘅服務式住宅
1. 預算同租期：諗清楚自己嘅預算範圍同所需租期，咁樣先可以快啲揀啱。
2. 位置便利性：睇吓附近有無超市、餐廳等，交通方唔方便。
3. 設施服務：睇吓有無齊備廚房、健身房等，睇自己需要咩。
4. 住客評價：參考住客點評，了解下其他人嘅真實體驗。
5. 空間佈局：如果要工作區，就揀有獨立工作區嘅單位。
6. 靈活性：留意租約嘅靈活性，特別係退租或延租政策。
租住服務式住宅嘅注意事項
– 清楚合同內容：要理解清楚條款，包括租金、押金deposit、額外費用等。
– 確定費用：確認租金內包含咩服務，如上網、水電煤等，留意有咩係需要額外付費嘅。
– 使用規則：了解設施使用規定，如可否養寵物，避免不必要麻煩。
– 安全措施：確認安全設施，清楚緊急聯絡方法。
– 合法經營：確保所租住宅係合法經營。
– 維修流程：了解維修處理流程，保障居住舒適度。
服務式住宅常見FAQ解答
咩係服務式住宅？服務式住宅結合咗家居舒適度同酒店便利性，有齊家具、家電，仲有清潔、洗衣等服務，感覺似返屋企。
– 同普通出租公寓有咩唔同？*服務式公寓多咗酒店式服務，例如清潔、24小時保安等，租期亦比較靈活。
– 租期有幾長？服務式住宅租期好彈性，短至幾日，長至幾個月甚至一年都得。
– 租金包咩？通常包住宿、水電、上網網絡wifi、基本清潔服務、公共設施使用等，但建議睇清楚合同條款。
無論你係短期停留定係需要一個長期嘅臨時居所，服務式住宅都係一個方便又貼心嘅選擇！
香港人不嬲注重居住質素，放假最鍾意行賣傢俬商場，亦經常會為家居裝修進行大小裝修。全屋大裝修固然係一件煩事，也許最煩惱嘅係：裝修期間自己同家人去邊度暫住？最好就係親朋戚友有個單位可以借來住下啦，但如果冇的話，就唯有考慮租住酒店或 服務式住宅 了。咁到底邊樣好啲呢？
綜合上述各點，家居裝修期間不論大家租住服務式住宅或酒店，租金的確不菲，需預先計入你的裝修成本之中，以免超出自己預算。此外，額外租用迷你倉或迷你箱去放置個人物品或較大型傢具亦是無可避免，也需列入預算之中。最省錢，當然是能找到親友提供地方，或租用短期單位，但仍然要留意你搬出搬入的兩次搬屋開支。
——
延伸閱讀：【搬屋收納必用】各式 儲物膠箱 大比併
延伸閱讀：【裝修攻略】慎防3大 裝修陷阱
緊貼Boxful Blog同Facebook Page，獲取更多家居生活貼士！