好多朋友喺搬入新屋之前，都會對單位進行一番裝修。一個好嘅裝修設計，唔單止提升屋企嘅實用性同舒適度，仲可以減少將來再裝修嘅需求。因此，裝修時需要仔細考慮單位嘅設計。近年嚟，開放式廚房設計愈嚟愈受歡迎，新盤多數都採用呢種設計，亦有唔少業主選擇拆除廚房部分嘅牆壁，將廚房融入大廳或飯廳，增加空間感。不過，進行呢類設計之前，必須搵屋宇署認可嘅專業人士設計圖則，再交俾屋宇署審批。開放式廚房同梗廚各有優點同缺點，價錢成本亦因工程複雜程度而有所不同。根據個人生活方式同喜好，選擇最適合自己嘅廚房裝修設計。以下會介紹開放式廚房同梗廚嘅特點，並提供裝修時需要注意嘅事項。
開放式廚房嘅定義
開放式廚房係指冇四面牆壁嘅廚房，通常會同客廳或者飯廳相連。採用開放式廚房設計，可以將廚房同其他生活區域融合，為客飯廳等位置營造出一個更加寬敞嘅空間。如果設計得好，可以提升客廳嘅設計，展現業主個人品味。除咗增加空間感，開放式廚房設計仲可以令廚房更加接近其他生活空間，煮飯時可以同家庭成員有更加緊密嘅交流同互動，令家庭關係更加融洽。
開放式廚房裝修嘅注意事項
如果你決定採用開放式廚房設計，需要注意以下幾點，避免裝修完成後日常使用出現困難：
抽油煙系統
由於開放式廚房同客飯廳緊密相連，煮食時產生嘅油煙容易飄到其他生活區域，弄污傢俬同電器。因此，你需要為廚房配備一個強力嘅抽油煙系統，最好選用高功率、吸油能力強嘅抽油煙機，將油煙排出屋外，防止煙霧同食物氣味散播到全屋。
儲存空間
由於開放式廚房通常比傳統梗廚少咗兩面牆，可能會減少用於儲存食材同煮食用具嘅空間。裝修設計時，應預留位置設置吊櫃、抽屜等儲存設備，增加廚房嘅儲存空間。
劃分不同生活區域
開放式廚房嘅特點係將廚房同客飯廳融合，增加大廳嘅空間感。可以考慮喺煮食區同客飯廳之間擺放吧台、島台等傢俬，方便家庭成員用餐之餘，更加可以明確劃分煮食區同生活區域。
採用「半開放式廚房」
如果你習慣喺屋企煮飯，但又擔心油煙問題，同時希望保留開放式廚房嘅空間感同現代感，可以考慮半開放式廚房設計。呢種設計喺開放式廚房嘅基礎上增加咗玻璃分隔，將廚房同客廳分隔開來，保持開放感同時有效防止油煙傳播到全屋。
梗廚裝修嘅注意事項
如果你打算採用傳統梗廚設計，需要注意以下幾點：
保持良好通風
傳統梗廚設計係將廚房設置喺一個密閉空間，煮食時產生嘅氣味同油煙會停留喺廚房內。因此，需要確保廚房具備良好嘅通風性能，將煮食嘅氣味同油煙排出屋外，避免衍生其他衛生問題。
光線充足
傳統梗廚多數會設置喺自然光相對不足嘅位置，如果冇設置足夠嘅照明系統，可能會影響煮食。因此，裝修廚房時，需要重視廚房內嘅照明系統設計，選擇合適嘅燈具同燈光顏色，確保廚房內有足夠亮度，以免煮食時發生意外。
開放式廚房可以增加單位內嘅空間感，較適合香港住戶嘅設計。無論你選擇開放式廚房設計、半開放式廚房，還是傳統梗廚，了解不同設計嘅特點有助你選擇最適合自己單位嘅廚房設計。大部分室內設計公司均提供將傳統梗廚改裝成開放式廚房嘅裝修套餐，建議住戶喺決定前，先諮詢專業設計意見，避免進行違規裝修。
Boxful 三種適合裝修時使用的儲存方案：標準儲物箱、上門迷你倉和自助迷你倉
上門迷你箱：分為文件箱、標準儲物箱、掛衣箱同埋大型物品四種方案。文件箱可以存放整理心法入面講嘅紙製品，每個月只需29元；標準收納箱可以存衣物同雜物，每個月39元。大型物品方案係適合20公斤以內、一個人可以攜帶嘅大件物品，每個月69元起。另外，衣櫃箱主要係放冬季大衣，每個箱約可以存12件，月費89元。
上門迷你倉：分為12、24、36、48或以上平方呎方案，分別可以存20個、40個、60個紙箱嘅物品，每月租金由$699起，呢個方案最大嘅好處係你可以喺呢個指定嘅空間度，存放你想寄存嘅大型物品，例如大型傢俬、嬰兒車同埋露營器材等。
自助迷你倉：係一種自助式迷你倉方案，Boxful於香港開設8間分店，你可以直接返去門市提存返你所儲存寄存嘅物品。每月有一次免費提存，可以隨時提存你嘅物品。最短儲存期都只係一個月，提供更多彈性嘅選擇。
Boxful儲存服務唔單止滿足你對高品質倉儲嘅需求，全天候保持穩定溫濕度，確保儲存物品妥善存放。同時嚴密監控你寄存嘅物品，立即幫你實現夢想中嘅質感生活！
——
延伸閱讀：【一機二用慳地方】具備空氣清新功能的 二合一抽濕機 推介
緊貼Boxful Blog同Facebook Page，獲取更多家居生活貼士！