每年2、3月份，又到所謂嘅「 回南天 」，天氣潮濕之餘，甚至連地板都會滲水，不但有跣倒之危險，亦相當唔衛生！咁點算好？等Boxful教你幾招，解決地板濕??嘅問題啦！
甚麼是「 回南天 」？
所謂「回南天」，其實係中國南方一種特有現象。經過一輪冬天物體溫度降低，去到陽春2、3月氣溫回升，物體溫度（特別係厚嘅物體）一時未能隨着升高，但較低溫嘅物體表面與來自太平洋嘅南風接觸，呢啲南風吸附着大量水蒸汽，水蒸汽遇冷結成水，令物體表面出水。
由於2、3月仍不時有乾燥北風吹來，會暫時逼退南方濕暖氣流，令物體表面嘅水暫時蒸發。但北風同南風嘅交替進境，就往往會導致出現多次嘅「回南天」情況，成為初春嘅家居一大煩惱，令牆壁或地面滲水，衣物難乾，木製品亦好易發霉。
回南天 點樣保持地板乾爽？
「回南天」搞到地板濕??，絕對需要認真處理。一來地板濕滑，有存在危險，好易令小朋友或老人家跣倒受傷；二來有濕氣積聚亦有機會令木地板或木製傢俬發霉損壞。一於試試以下6大招，保持你嘅家居乾爽。
第1招：防潮吸濕產品
呢段期間，少不免都要去選購一啲吸濕盒、防潮包等現成吸濕產品，放置喺家居各處，以助減低濕度。不過喺回南天期間，吸濕用品嘅消耗速度會頗高，好快就要替換。
相關閱讀：【收納小貼士】 防潮 吸濕用品不可少
第2招：石灰粉
石灰粉可以吸走空氣中嘅水氣，令空氣乾爽。你可以自行將石灰粉放在小盒中，置於家居各處，最好關上窗戶。石灰粉吸滿水後，記住要馬上替換，免影響效果。如果你覺得買現成嘅防潮吸濕產品唔划算，咁石灰粉係一個好選擇。
第3招：冷氣機+抽濕機
一般而言，如果出現回南、地板濕滑，只要你關上所有窗戶，打開冷氣機或抽濕機，「抽」佢幾個鐘，地板就可以回復乾爽。不過有部分人不宜在春天吹冷氣，很容易着涼；反之抽濕機又會令室內氣溫升高。
相關閱讀：【抽濕攻略】家用 抽濕機 選購Guide
第4招：點蠟燭
在室內點蠟燭，係一個不錯嘅除濕方法，因為燃點蠟燭可以令空氣中嘅水分無法凝結成水珠。你可以喺家中四角嘅地板上點燃蠟燭，亦不妨用有香味嘅蠟燭，效果更佳。不過點蠟燭當然要小心，如家中有小朋友或小動物就唔適宜了。
第5招：舊報紙
唔講唔知，舊報紙係去除地板濕氣嘅最佳選擇。首先關上門窗，將舊報紙鋪在地板上，很快就可以吸走濕氣，而且你亦可以同時用舊報紙清理地板，一舉兩得。
第6招：預防
「預防勝於治療」，喺地板變濕之前，做好預防措施好過之後才補救吧！當你預計「回南天」就快到時，就要先關緊所有窗戶，並喺家居四處放置防潮物品，或者開定抽濕機，保持室內乾燥。想室內通風，只能於中午有陽光之時打開窗戶，早上同夜晚都千萬不要開窗。
屋企真係太潮濕不宜儲物？可以考慮善用Boxful嘅各類型儲存方案，等你嘅收藏品或當季少著嘅衣物得到最佳保存！
——
延伸閱讀：日本 收納女王 近藤麻理惠7步執屋心法
緊貼Boxful Blog同Facebook Page，獲取更多家居生活貼士！