春季潮濕，許多香港人屋企都需要用獨立嘅抽濕機，用來保持家居乾爽之餘，亦會用來吹乾晾喺室內嘅衣物。另一方面，大家亦好注重呼吸道健康，尤其家中有小朋友、小動物嘅，都會想買部空氣清新機。不過，咁多機種一部二部放喺屋企，都佔用相當多嘅空間！其實，可以考慮買番部同時可以抽濕同淨化空氣嘅 二合一抽濕機 。
近年，抽濕機已經成為好多家庭必備嘅電器，原因除咗因為香港天氣潮濕之外，更加因為大家嘅居所都缺乏晾衫嘅空間同設施，乾衣機亦唔係個個都有，於是可以吹乾衣物嘅抽濕機就成為咗家居恩物。
而家有啲抽濕機除咗有專門吹乾衣物嘅功能之外，最近亦同時加入淨化空氣嘅功能，令佢兼任埋空氣清新機，可一邊抽濕、一邊過濾空氣中嘅微粒、細菌同過敏原。而喺吹乾衣物之時，亦可以防止衣物發霉出現異味，保持清新。一機二用咁理想，而且仲可以節省空間，絕對值得推介俾大家去考慮選購！
當然，有附加功能自然有額外代價，呢類二合一抽濕機售價會比一般抽濕機貴上一截，而且空氣過濾嘅耗材亦需要定期更換（另外購買），呢兩點大家要留意！
二合一抽濕機型號推介
1）Sharp聲寶 DWJ27FAS 二合一空氣淨化抽濕機
建議零售價：$5,780
- 能源標籤：一級
- 強制性能源效益標籤標準（額定）抽濕能力：16.71公升/日
- 廠方標準抽濕能力：27公升/日
- 水箱容量（公升）：4.6公升
- 過濾網：負離子釋放功能
- 乾衣除濕模式 / 抑菌防霉模式 / 空氣淨化模式 / 自動除濕模式 / 自定除濕模式 / 衣物除臭模式
2）Panasonic樂聲牌 FYAP21H 二合一抽濕機
建議零售價：$5,580
- 能源標籤：一級
- 強制性能源效益標籤標準（額定）抽濕能力：12.2公升/日
- 廠方標準抽濕能力：21公升/日
- 水箱容量（公升）：4.8公升
- 過濾網：SUPER alleru-buster抗敏
- 強力抽濕同時抗菌除臭 / ECONAVI 智慧節能功能 / HEPA多功能過濾網 / nanoe®納米離子除菌淨化技術 / 配備PM2.5及異味偵測指示燈
3）Whirlpool惠而浦 DS241HB 二合一抽濕機
建議零售價：$4,998
- 能源標籤：一級
- 強制性能源效益標籤標準（額定）抽濕能力：14公升/日
- 廠方標準抽濕能力：24公升/日
- 水箱容量（公升）：5公升
- 過濾網：All-in-One多重過濾網抵抗多種細菌/病毒
- LED 空氣質量指示燈及濕度顯示器 / 內部乾燥除霉功能 / 可清洗前置納米銀過濾網 / 四大功能 : 抽濕、獨立空氣淨化、乾衣、抗菌 / 獨立乾衣模式 / 第6感智能模式 / 自選抽濕模式 / 乾衣模式 / 夜間模式 / 空氣淨化模式（自動/手動）/ 自動除霜
4）Philips飛利浦 DE5205 二合一抽濕機
建議零售價：$4,688
- 能源標籤：一級
- 強制性能源效益標籤標準（額定）抽濕能力：128公升/日
- 廠方標準抽濕能力：25公升/日
- 水箱容量（公升）：4公升
- 過濾網：NanoProtect S1 HEPA
- 獨立空氣淨化 / 自動抽濕 / 乾衣模式 / 連續抽濕
如果屋企真係太潮濕，想更妥善咁保存你嘅收藏品或當季少著嘅衣物？Boxful嘅各類型儲存方案，一定可以幫到你！
——
延伸閱讀：【抽濕攻略】家用 抽濕機 選購Guide
延伸閱讀：【回南天殺到】地板濕??？6招保乾爽
緊貼Boxful Blog同Facebook Page，獲取更多家居生活貼士！