香港始終近海，春夏日子潮濕就預咗，但就算係秋冬呢類乾燥季節，都一樣會陰陰濕濕咁。為咗保持家居乾爽，好多人都會長開 抽濕機 ，趕走家中濕氣。不過市面上抽濕機款式種類繁多，究竟邊種抽濕力最強？選購時又有乜要注意？Boxful就為大家講解下點樣選擇適合你嘅抽濕機啦！（本文章已有最新更Update版本，請即按此閱讀）
抽濕機 3大分類
一般家用抽濕機主要分為壓縮式、熱石式同混合式3大類，其中以壓縮式抽濕機最普遍，而混合式抽濕機則結合熱石式同壓縮式原理，可因應不同環境，自動調節抽濕模式。不同類型抽濕機有不同優點同缺點：
1）壓縮式抽濕機（較適合春夏季使用）
優點：抽濕範圍大，而且較慳電，售價較便宜，選擇較多。
缺點：較易受温度影響抽濕效能，而且操作時有噪音。
2）熱石式抽濕機（較適合秋冬季使用）
優點：抽濕效能穩定，不受低温天氣影響。
缺點：耗電量較高，售價較昂貴。
3）混合式抽濕機
優點：同時具備熱石式同壓縮嘅優點。
缺點：款式少，價錢較昂貴。
抽濕機 選購貼士
1）按家居面積同環境揀選
如果家居面積較大，就應選擇抽濕量較高嘅型號。好似一般300呎 – 400呎單位，就需要抽濕量15L以上、儲水量3L以上嘅抽濕機。同時，如果家居近海或潮濕地區，抽濕量高而且速度快嘅型號會較適合。
2）比較能源標籤
買抽濕機時一定要睇清楚抽濕機上嘅能源標籤，好似能源效益級別就以1級（綠色）最高，5級最低（紅色），1級比5級能節省42%能源，所以長遠嚟講較省電又慳錢。除此之外，每年耗電量愈低，抽濕量同能源效率愈高嘅抽濕機愈理想，想慳電費嘅話就要記住先比較不同型號嘅能源標籤。
3）留意功能同設計
除咗能源效益外，抽濕機嘅功能同設計同樣重要。附有自動濕度控制功能嘅抽濕機，可以因應濕度變化自動停機同重新開機，長時間保持理想濕度，仲可以慳電慳錢。如果打算長時間抽濕嘅話，應該選擇盛水器容量較大嘅型號，就無需頻密倒水。此外，如果想一部機抽全屋嘅話，就適合有腳輪或者手柄嘅型號，方便移動。
4）親身嘗試操作
部分抽濕機操作時會發出噪音，所以購買時不妨問店員可否親身嘗試操作，留意操作時嘅聲量會否太嘈，並留意是否方便易用等。購買時，亦應檢查所購買的產品是否操作正常及配件是否齊全。
型號推薦
消委會曾測試市面上14款抽濕機，以下3款抽濕機嘅抽濕量較高，獲得1級能源標籤及最高4星半嘅評價：
1）Panasonic F-YCK27H
建議零售價：$5,880
- 抽濕類型：壓縮式
- 廠方標準抽濕量：27公升/日（溫度30℃，濕度80%）
- 機電署測試環境下抽濕量：14.81公升/日（溫度26.7℃，濕度60%）
- 盛水器容量：5公升
- 40%-70%自選濕度設定
- ECONAVI智慧節能乾衣技術，節省能源約16%
- 採用SUPER alleru-buster抗敏過濾網，抑制過敏原、細菌及霉菌
2）開利 DC-22DA
建議零售價：$1,498
- 1級能源標籤
- 抽濕類型：壓縮式
- 廠方標準抽濕量: 22 公升/日（溫度30℃，濕度80%）
- 機電署測試環境下抽濕量：12.09 公升/日（溫度26.7℃，濕度60%）
- 盛水器容量: 5.8 公升
- 智能乾衣模式，持續釋放負離子
- 多角度自動搖擺送風
- 四合一淨味抗菌過濾網
3）LG LD106DLD0
建議零售價：$4,290
- 1級能源標籤
- 抽濕類型：壓縮式
- 廠方標準抽濕量：18.7公升/日（溫度30℃，濕度80%）
- 機電署測試環境下抽濕量：10.12 公升/日（溫度26.7℃，濕度60%）
- 盛水器容量：4公升
- 快速乾衣模式，特製Y型吸管快速乾鞋模式
減少家中雜物
香港天氣潮濕，所以一旦家中堆滿雜物，就好容易滋生霉菌，影響家居衛生及家人健康。所以除咗要用抽濕機保持家中乾爽之外，減少在家中堆放雜物亦相當重要。
建議大家，可以將平日甚少用甚但又不想捨棄的雜物，裝箱另外儲存，咁樣做仲可以增加你家居室內空間添！不妨考慮用迷你箱的方式存放，即刻搵Boxful幫手！
（本文章已有最新更Update版本，請即按此閱讀）
——
緊貼Boxful Blog同Facebook Page，獲取更多家居生活貼士！