香港係中西文化交會地，每年大家會慶祝嘅節日特別多，由年頭嘅新年（新曆及農曆）、情人節、復活節等，到漫長嘅暑假，去到年尾的中秋、萬聖節、聖誕等等，花樣多多。而每個節日都有不同嘅用品，如裝飾、衣物、道具等等，好多人為咗環保，都想將呢啲物品循環再用；但其實 節日用品 頗為瑣碎立雜，又阻地方又難於收藏，有乜解決方法？
不同節日有不同的用品和雜物，你家中可有這些？
節日用品種類多多
到底節日用品有啲乜？隨便同大家列舉一下，你就會發覺真係有好多立立雜雜的節日用品，而你家中都應該存有不少，被夾硬塞在某些角落！
1）農曆新年：全盒、揮春、利是封、賀年裝飾（炮竹、元寶等）、拜年服裝（兒童）、賭具等。
2）情人節：心形飾物、性感服裝、冧人樂器（結他）、魔術道具等。
3）復活節：彩蛋用具、彩繪用品、復活兔及小雞公仔等。
4）暑假：沙灘用品、潛水用具、滑浪/滑水用具等。
5）中秋：燈籠、燈籠、燈籠！以及秋天戶外用品，如帳幕、燒烤爐具、露營用具等。
6）萬聖節：南瓜裝飾、各式裝扮衣物及道具，甚至大型Cosplay戲服！
7）聖誕節：聖誕樹、聖誕裝飾及燈飾、聖誕擺設、聖誕老人衫……乜都係聖誕！
難於收藏
以上種種物品，你屋企有幾多？放咗喺邊？
如果你有幸家中有個雜物房的話，應該是全部都塞在裏面，每年到時到候就會摷一次出來用。如果沒有雜物房，它們就可能藏在你的床下底，或衣櫃頂，又或者……實在冇地方放，就會年年丟棄、年年買新……這樣真的好嗎？
事實上，就算你家中有空間收藏，這些用品都會被隨意擺放、十分雜亂。例如聖誕燈飾，一串又一串的電線，每年取出來都纏擾不清。又例如中秋燈籠，被擺放一年後就會滿布灰塵，難以清理。紙製物品，更容易惹昆蟲滋生……
全新儲存方式：一節一箱
而家，大家可以好好利用Boxful呢類迷你箱服務嘅特色，更有系統同更妥善儲存呢類節日用品，就係運用「一節一箱」呢個全新概念！
顧名思義，「一節一箱」就係你可以將同一個節日的用品同雜物，全部儲存在同一個迷你膠箱之內，由專人上門取件存放在倉。下一年，當臨近該節日時，你就可以隨時預約服務人員，將該個節日的箱送到你家中。如是者，你可以一個「CNY箱」、一個「Halloween箱」、一個「Christmas箱」咁，清清楚楚，要用才攞！
同時，因為膠箱係有蓋，又被存放在有空調和濕度控制的倉內，箱內物品不易沾塵也不會舊化，同你就咁放在家中床下底有好大分別！
嚟緊完咗萬聖節或聖誕節之後，即刻搵Boxful幫手，試下「一節一箱」啦！
——
延伸閱讀：【生活專訪】3位 收納達人 的執屋貼士
緊貼Boxful Blog同Facebook Page，獲取更多家居生活貼士！