香港環保署公布嘅空氣質素健康指數，經常都會出現健康風險中或高，以至甚高或嚴重；即使你置身喺屋企，都會感受到空氣質素之差。好多人都會不惜花錢置番部空氣清新機，其實有好多 室內植物 ，都可以幫助改善室內空氣嘅質素！
家居空氣質素，除咗受室外空氣嘅質素影響之外，即使你日夜開冷氣甚少開窗，啲室內空氣一樣會變差，因為裝修物料、傢俬、清潔劑等等都會釋出有害物質，滲入空氣之中。但神奇嘅係，有啲天然植物，除咗適合室內栽種之餘，更加有改善空氣質素嘅功能！據研究，可以改善空氣嘅植物大大話話都有好幾十種，以下就介紹當中10種較人氣嘅俾大家參考，不妨試下喺屋企或辦公室種番盆。
1）長青藤
長青藤不需太多光線，甚至可以長在較暗的角落，極適合室內栽種。如放置在剛裝修完的家居，可以有效淨化空氣中的苯、一氧化碳、甲醛、三氯乙烯及黴菌等。但小心其葉子有毒性，要置在小孩及寵物不能觸碰的位置。
2）散尾葵
散尾葵是棕櫚科植物，宜生長在溫暖較潮濕的地區，一般在家居會放在喺衣櫃邊、沙發旁，因它可以去除苯、三氯乙烯、甲醛等有害嘅揮發性物質。佢仲同時可以調節室內濕度，保持喺40%至60%之間。
3）白鶴芋
白鶴芋有「廢氣過濾器」嘅外號，可有效去除氨氣、丙酮、三氯乙烯、苯和甲醛等等。要更佳發揮佢嘅功效，記得要定期為佢寬大嘅葉除塵。白鶴芋都有毒性，要避免小孩同寵物接觸。
4）吊蘭
吊蘭被稱為植物中嘅「去除甲醛之王」，同時亦可吸收一氧化碳、過氧化氮、苯，同埋香煙中嘅尼古丁。種植時要特別注意，因為佢根部生長發達，要定幫佢換花盆，否則啲根堆積生長，好易會黃葉、枯萎。
5）虎尾蘭
處尾蘭既唔怕凍又唔怕暗，最適合室內種植，所以喺好多家居同辦公室都會見到佢嘅蹤影，十分受歡迎。佢可以去除化學產品（如油漆、清潔劑等）所釋出嘅有毒物質。
6）富貴竹
富貴竹屬於龍血樹屬，適合去除油漆釋放到空氣中嘅化學物質。可用水種，需放於較陰暗潮濕嘅地方，不宜放在陽光直射及大風之處。
7）蘆薈
蘆薈本身功效用處多多，葉汁可作藥用，有殺菌抗炎、濕潤美容等作用。而作為室內盆栽，蘆薈可以淨化空氣中嘅甲醛、二氧化硫、一氧化碳等有害氣體，並增加空氣中嘅負離子濃度，抑制空氣中有害微生物嘅生長，又可吸附灰塵。種植時要注意，淋水沿盆邊澆水，保持土壤濕潤就可以，避免淋濕本體。
8）金鑽
金鑽近年相當流行，被稱為植物中嘅「辟邪王」，可吸附尼古丁之餘，又能吸收各種有毒氣體（如二氧化硫、三氧化硫、一氧化氮等）作為養分，既可淨化空氣，又能調節室內濕度。
9）巴西鐵樹
巴西鐵樹本名香龍血樹，宜生長於高溫、高濕、半陰嘅環境，不用太多陽光，故適合室內栽種，可以清除空氣中嘅多種有害物質。
10）黃金葛
黃金葛擅長濾除甲醛，又可分解影印機、Printer等排放出嘅苯，最適合作為辦公室空氣淨化之用。既可土種又可水種，相當容易養植。
正所謂：「本來無一物，何處惹塵埃？」如果你家居堆積太多雜物，就自然容易鋪塵，大大影響室內空氣質素。想解決雜物堆積嘅問題，不妨考慮搵儲存專家Boxful幫你手！無論你只係需要一個箱嘅額外空間，抑或你需要多個儲物房，Boxful唔同嘅Plan總有一樣幫到你！
——
緊貼Boxful Blog同Facebook Page，獲取更多家居生活貼士！