女士們朝朝早返工都要同時間競賽，要用最快速度梳洗、襯衫、化妝，於是 化妝枱 總會搞到亂糟糟咁，各類化妝品同護膚品亂咁放，又多又亂……大家不妨學習一下簡單嘅收納整理技巧，保持 化妝枱 整整齊齊，咁化妝時要搵起嘢上嚟都輕鬆容易得多！
1）重新檢視自己有幾多化妝品
喺下定決心要整頓自己嘅化妝枱之前，唔好咁衝動走去買收納盒或化妝箱住。你先要重新審視一下自己到底有幾多化妝物品，加加埋埋有幾多個樽、幾多支嘢；除咗化妝枱上嘅，仲要計埋其他收收埋埋嘅貨。你先要知道自己有幾多化妝品，先可以安排夠用嘅空間，否則你求其買咗啲收納盒都係放唔晒。
2）按季節和有效日期分類
好多姐妹會趁大減價時入定好多化妝品、護膚品。建議你要根據季節做優先分類，春夏適用同秋冬適用要分開擺放。同時，又要根據你嘅使用量去分類，邊啲係日日都要用，就要放在化妝枱上。
注意有效日期。就快過期嗰啲，應攞定出來放在方便使用嘅地方，以免收埋咗一角過咗期就浪費了。
就係咁樣，你就可以將一啲枱上常用、開咗樽會用、就快過期嘅化妝品同護膚品，Keep住放在化妝枱上；而一啲未開封、唔多用、唔啱季節嘅，就可以收埋入收納箱。
（溫馨提示：屋企唔夠位放？你可以考慮租番個迷你箱暫時儲起佢哋，有專人上門收件，到轉季時需要攞番，都係打個電話就安排到送番上門！即搵Boxful幫手啦！）
3）按使用順序區分化妝品
而家你可以將要放在化妝枱上嘅化妝品同護膚品整理，但唔單止係放得整齊咁簡單，而係要根據自己嘅需要，安排位置。
建議你，按照使用順序去區分呢啲一樽二樽，咁樣你喺使用嘅時候，就更容易搵到自己要用邊樽。如果早晚嘅步驟唔一樣，又可以再分早妝區同晚妝區；例如你喺夜晚先會用到嘅面膜、面霜等，就可以歸為一類放置。
4）善用合適嘅收納盒
收納盒最緊要係啱你自己心水，令你好清楚啲化妝物品同護膚品放喺邊。例如你可以將護膚品分成兩大類，啲液體類同化妝棉就放一邊，另一邊就放啲乳狀、乳霜類嘅產品。又例如，你可以按照化妝方法去分類放置，其中一個隔層放晒啲「清爽型護膚品」，另一個隔層就存放「簡易派化妝品」。
化妝枱上嘅物品愈多，就要認真考慮點樣放置，同埋用邊種收納盒。你甚至可以利用層架、旋轉收納盒等去增加空間。最緊要就係你好清楚啲嘢放喺邊。
5）養成用完放回原處的習慣
最後就係最大嘅秘訣：每次用完化妝品後都放回原處。有咗呢個好習慣，你嘅腦潛意識會知道去邊處搵到需用嘅物品而根本唔使記住，以後你就唔會搵唔到嘢。
做齊呢5樣，相信你嘅化妝枱好快就有另一番光景，再唔會係一樽二樽亂咁放嘅重災區，而係一張又整潔又企理，又可以添加個人特色嘅化妝枱。
在處理雜物方面，也許你會需要額外儲存空間，咁就不妨搵Boxful幫你手！無論你需要迷你倉服務，定係更彈性嘅迷你箱，Boxful都可滿足到你嘅需要！
——
延伸閱讀：【天寒地凍要保暖】家居 電暖爐 選購攻略
延伸閱讀：馬上學習德國人「無意識打掃法」15式
緊貼Boxful Blog同Facebook Page，獲取更多家居生活貼士！