近期夾公仔機相當流行，周圍都開咗好多夾公仔店，相信好多絲打都花咗唔少錢、夾咗不少心頭好，令屋企嘅 毛公仔 數量大增！你又會點樣收納呢啲毛公仔呢？如果就咁堆埋一邊，唔單止凌亂，仲會積塵。就等Boxful介紹番幾種唔同嘅毛公仔收納方法啦！
1）放到一床都係
好多人都會貪方便，直接將啲毛公仔放喺床上。呢個方法係最差嘅方法，因為你放下放下，就會愈放愈多，搞到有一日你連瞓都冇位瞓。再者，有啲毛公仔質素差、易甩毛，將佢哋放喺床上會對你健康有不良影響。
2）放在雜物架
好多人嘅睡房都會有個雜物架或書架，喺個架上預留一部分地方放毛公仔，亦係好常見嘅方法。好處係放喺架上亦比較美觀，同時啲公仔亦方便攞落嚟玩。不過，呢個方法容易令毛公仔積塵，最好每日都掃一掃塵。
3）放在牆架上
善用牆壁，安裝一啲簡單嘅板架，就可以大大增加你嘅毛公仔收納空間。不過牆架不宜安裝得太高，太高嘅話啲毛公仔唔方便攞落嚟，變相減少你掃塵嘅意欲，令啲毛公仔長期喺架上積塵。
4）收納箱／收納籃
呢個方法亦好常用，用一個或多個大箱或大籃，放晒啲毛公仔入去。當然，咁收納法啲毛公仔會好凌亂，而且亦全部堆埋一堆咁，展示唔到出來。
5）毛公仔屋
如果啲毛公仔全部係你小朋友嘅，而佢間房又夠大，不妨考慮幫佢喺間房整間毛公仔屋。只係去買個小帳篷，將啲毛公仔放晒入帳篷內，等小朋友可以入去玩；玩完之後又可以將帳篷封門，啲毛公仔就冇咁易鋪塵。
6）玻璃櫃／展示櫃
不論係收納絲打嘅毛公仔定係巴打嘅模型Figure，用有玻璃門嘅櫃或者透明膠展示櫃，都係最實用嘅方案，既可以完美展示，又可以防塵。
相關閱讀：【巴打必讀】模型 Figure 玩具 の保養及收藏貼士
7）收納掛袋
呢類收納用嘅掛袋相當好用，每格放一隻公仔，美觀又整齊，慳地方之餘，亦可以部分展示到啲公仔。
8）收納籠
這種專門用來收納毛公仔的收納籠，與放在玩具店中的款式相似，呈現了一大堆毛公仔被困在籠的感覺，也可以是家中有效的收納方法。
溫馨提示：如果你間屋已經太多毛公仔，需要額外空間妥善咁收藏你嘅心頭好，Boxful可以幫到你喎！無論你只係需要一個箱嘅額外空間，抑或你需要多個儲物房，Boxful唔同嘅Plan總有一樣啱你用，即刻睇睇啦！
——
延伸閱讀：【環保執屋】如何處理家中 舊書 ？
緊貼Boxful Blog同Facebook Page，獲取更多家居生活貼士！