又係土地問題！香港人大多數住在「蝸居」，尤其近年啲所謂「上車盤」得嗰200幾300呎，個客廳分分鐘連100呎都冇……個廳咁細，點擺啲濕碎嘢呀！其實地方細細一樣可以住得乾淨、整齊、舒適嘅，就等Boxful同大家分享幾招增加 客廳收納 空間嘅方法。
1）選用收納型茶几及邊桌
茶几及邊桌可以有助客廳收納。你要選擇一啲有抽屜，或桌面可以揭開而內有收納空間嘅茶几，裏面可以放置遙控、茶具、雜誌或零食。
2）利用收納籃，不一定要用櫃
坊間你可以買到的收納櫃都係固定尺寸，有時我哋客廳空間大小問題未必一定合用，但如果要訂造就會十分昂貴。其實收納唔一定要用櫃，更重要嘅反而係點樣分類同管理。你可以考慮善用收納籃，既可自由組合，又有更高機動性，取物又方便，可能更加適合空間細小家居使用。玩具、遙控、零食等都可以放在收納籃。
3）沙發不必靠牆，背後大有用途
沙發不一定要靠牆放置，不妨騰出沙發後的牆身作其他用途。例如將書櫃移至沙發後面做收納，不但美觀，清潔沙發也更方便。
4）牆壁是發揮空間
既然地面空間有限，就要向高空發展，所謂「高空」就係牆壁。你可打造一個屬於你自己風格嘅整體收納牆，利用吊櫃擺放書籍、玩具或裝飾品，亦可適量地選用掛鈎。不能收納的大件物品，就讓它們變為你家居裝飾的一部分。
講到底，家居細而雜物太多始終係一大問題，除咗優化家居收納之外，你亦應考慮按你需要，將部分雜物以迷你箱或迷你倉嘅方式儲存，呢方面Boxful可以幫到你！
——
延伸閱讀：【天寒地凍要保暖】家居 電暖爐 選購攻略
緊貼Boxful Blog同Facebook Page，獲取更多家居生活貼士！