日本收納女王 近藤麻理惠（Marie Kondo）嘅著作《怦然心動人生整理魔法》，喺日本銷量過百萬本，譯本亦於全球熱賣，令佢喺2015年被《時代》雜誌選為「年度全球百位最具影響力人物」之一。最近佢獲得Netflix力邀拍攝「真人騷」節目《Tidying Up with Marie Kondo》，喺節目中親自到訪家居亂糟糟嘅屋主，親授收納魔法，幫佢哋家居大改造！以下我哋歸納出佢嘅7步執屋心法，睇下你又做唔做得到？
近藤麻理惠嘅「怦然心動」（Spark Joy）理論其實好簡單，就係教大家只留低令你心動嘅事物，其他一切都可以捨棄。佢認為，一般人擁有嘅物品數量，係自己認知嘅三倍以上！好多嘢我哋都只係長時間塞埋一二角，根本自己都唔記得咗。要真正處理，就要將之全部分類，將同類物品一次過篩選整理。其實，呢種係逆向思維：唔係去諗有乜嘢要丟棄，而係去諗有乜嘢值得留低。
今次近藤麻理惠喺Netflix嘅8集節目入面，每集會有唔同個案同主題，例如：幼兒物品整理、喪偶妻子如何整理舊物、養寵物夫婦如何利用盒子收納等等。但其實萬變不離其宗，主要都係實踐以下7步收納心法：
1）想像完成品
喺執屋之前，近藤麻理惠會先要你大膽想像一下，你執完之後最理想嘅家居會係點，喺心中要有一幅美麗嘅畫面，令你心境朝住呢個方向去努力達成。
2）先分五大類
落手執嘢之時，自行將家中物品分為五大類：衣物、書本、紙張（包括帳單、文件、書信等）、立雜嘢（任何家中濕碎物品）及感情物品（如紀念品、舊照片、禮物、兒時物品，甚至親友遺物等等）。
3）全屋大兜亂
近藤麻理惠認為，要將全屋執得整齊，唔可以逐間房去執，而係要將全屋嘅雜物一次過摷晒出來，依據以上五大類分成五大堆，一次過去審視，睇下邊啲嘢令你心動要留低、而邊啲可以丟棄。呢個過程，係會令你間屋一時之間變到極之混亂，到處堆滿雜物，不過只係一個必經過程。
4）善用盒和箱
當你開始揀出一啲要保留嘅物品，就要善用盒或箱去有效分類整理，唔好就咁塞番入櫃。
5）摺衫好重要
近藤麻理惠好講求衣物嘅摺疊，唔同嘅衣物有唔同嘅摺法，令佢哋更節省空間之餘，摺嘅過程都係一種樂趣。
6）找出你的愛
成套心法最重要一點，係所有留喺你家中嘅物品，都要係一啲令你「心動」而有愛嘅東西。近藤麻理惠形容，嗰啲物品要令你好似見到狗仔貓仔或者抱起BB仔而產生嗰種「怦然心動」。你真係要將嗰啲物品攞上手、感受下，睇下佢會否令你心動，未來你仲想唔想見到佢喺你屋企。（當然，實際上大家都要有番少少理智，總會有啲嘢唔會令你心動但又必須保留嘅。）
7）要有感恩心
近藤麻理惠教大家，對自己間屋同你擁有嘅物品要心存感恩。佢教人執屋之前，會先靜靜咁向間屋感恩，多謝佢提供保護同安全感。佢亦希望大家對要丟棄嘅物品都要講聲多謝，因為佢哋始終陪伴咗我哋一段時間。
咁特別嘅執屋心法，大家認同嗎？不過自從近藤麻理惠嘅節目喺Netflix播出之後，佢就人氣再急升，頻頻接受美國媒體訪問，令好多家中堆滿雜物嘅美國人恍然大悟咁！
如果你都係一屋雜物，又唔知點去處理，相信近藤麻理惠嘅方法係值得你去參考。若然你執屋遇到有空間不足問題，Boxful可以幫到你喎！無論你只係需要一個箱嘅額外空間，抑或你需要多個儲物房，Boxful唔同嘅Plan總有一樣啱你用，即刻睇睇啦！
——
延伸閱讀：關於家居收納的 10本好書
延伸閱讀：【生活專訪】3位 收納達人 的執屋貼士
緊貼Boxful Blog同Facebook Page，獲取更多家居生活貼士！