踏入5月，天氣已經回䁔，係時候真正 換季 ，收起厚重嘅冬衣，迎接夏天到來！不過原來清洗、收納羽絨、被鋪呢類御寒衣物都大有學問，等Boxful為大家講解一下處理冬天衣物時嘅各大注意事項啦！
毛衣
點清洗冷衫？
洗冷衫最怕就係會縮水變型，所以洗之前一定要睇番衣物標籤。大部分冷衫都可以放入洗衣機水洗（羊毛除外），不過洗嘅時候記得注意以下幾點：
- 將冷衫裏外對翻再摺疊起來放入洗衣袋，咁就冇咁容易起毛球。
- 如果自己手洗，就要將冷衫摺好放入水盆中，用按壓嘅方式唔好搓揉，以免破壞衣料。之後再將冷衫放入另一盆清水去除污水同泡沬。
- 乾衣時可以用毛巾包住吸走多餘嘅水分，之後再放入洗衣袋中脫水。
- 冷衫不宜直接吊掛，因為水嘅重量可能會令冷衫愈洗愈長，而衣架亦有可能令冷衫嘅肩膀兩側變形，所以最好就係將冷衫平放等佢自然晾乾。
點收納冷衫？
掛起冷衫時重力好容易令冷衫變形，衣架亦可能會令膞頭位凸起，所以冷衫唔太適直立起來。其實一般嚟講，只要將毛衣折疊就得，想慳更多空間嘅話，可以將冷衫捲起嚟。
（溫馨提示：冬天衣物同厚被清洗完後，可以考慮用迷你箱的方式存放，除咗得到更妥善保存，亦可以令家居騰出更多空間！即刻搵我哋幫手啦！）
羽絨
點清洗羽絨？
成日聽人講羽絨唔可以乾洗，驚乾洗用嘅化學物劑破壞羽絨嘅毛絨，但又有啲人話羽絨唔可以水洗。究竟邊樣至啱？
- 睇清楚衣物標籤指示，圓形嘅符號代表羽絨需要專業清洗，應交俾專業嘅洗衣店處理。如果褸上有洗滌符號或者手洗標籤，就可以自行在家處理，但清洗時唔好落漂白劑或柔順劑，用普通嘅洗衣液就足夠。
- 羽絨褸上有污漬嘅話，可以先用海棉或軟毛刷沾上洗衣液或洗潔精刷洗表面，但唔好避免用洗衣粉洗，同埋用太大力搓揉。
- 放入洗衣機洗時記得拉好拉鏈同扣鈕，再放入洗衣袋內，冇咁容易破壞羽絨面料。
- 洗完後只要放喺通風處晾乾即可，切忌將羽絨褸放喺陽光下曬，以免衣服褪色。此外，記得羽絨洗完後會變扁，想令羽絨回復原狀，可以用藤條、雞毛掃、甚至衣架不停拍打羽絨，直至回復蓬鬆為止。等到羽絨完全乾透至收藏，以免搞到羽絨發臭。
點收納羽絨？
為咗騰出更多收納空間，有些啲人會選擇用真空袋放羽絨，但原來咁樣會令羽絨變形，減低保暖度。如果屋企空間有限，冇位直接將羽絨掛起，可以按照衣服嘅邊線對齊摺疊，放入收納袋中。如果真係需要用真空袋，都唔好過度壓縮，同埋要定時拎番出嚟俾張羽絨「透下氣」回復原狀。
厚被
點清洗同收納厚被？
棉被：被袋可攞出嚟清洗，但被芯可以放喺陽光下晾曬1 – 2小時，以消去除氣味同霉菌。
羽絨被：可以先用洗衣液同毛刷輕輕去污，然後再放入洗衣機清洗，然後再放陰涼處晾乾，可用木棍之類嘅工具拍打。收納羽絨時，可於收納袋放入防潮劑，以免天氣潮濕時令羽絨積聚水氣，同埋避免放喺陽光曬到嘅地方，最好係陰涼通風嘅地方。
羊毛被：睇清楚衣物標籤，如果寫明不能機洗，就應該拎去洗衣店乾洗處理。羊毛被應放喺避陽處下晾晒2 – 3小時。收納時可加入防蟲劑，同埋存放喺通風處，唔好被其他衣物壓住，以免破壞羊毛性能。
冬天衣物同厚被清洗完後，可以考慮用迷你箱的方式存放，除咗得到更妥善保存，亦可以令家居騰出更多空間！即刻搵我哋幫手啦！
——
緊貼Boxful Blog同Facebook Page，獲取更多家居生活貼士！