住喺新界東鐵沿線嘅居民十分多，而沙田區絕對係人口集中嘅重鎮，呢個大區嘅迷你倉需求絕對唔細，所以 新界迷你倉價錢同市區相差不大，主要分布喺大圍、火炭、石門等工廠區，選擇都算多，所以租倉前不妨多作比較。
話說小編有一位朋友住喺沙田第一城的395呎細單位，本來一個人住好地地，實用面積雖然得260呎左右，都叫做有兩房一廳，夠用啦！不過佢就快好事近，今夏會結婚，新婚妻子會搬埋來一齊住，咁就大件事了！本來用作書房及玩具房嘅一間細房，即將會被太太嘅大衣櫃侵佔，同時亦打算會變為未來嘅BB房……朋友一房嘅書、玩具、雜物何去何從？三個字：迷！你！倉！
1）12平方呎之選
朋友搵小編幫手執拾之餘，又拜託介紹沙田區迷你倉俾佢。我一睇佢執出來有十幾廿箱嘢，諗都唔諗就幫佢搵一啲12平方呎左右嘅倉，至少要放到20個紙皮箱嘅物品。
結果，分別喺火炭、大圍同石門，搵咗幾間出名嘅格下價，選擇算多，但就未必間間都有位。租金方面，面價$800幾起跳去到過千，其實係仲貴過觀塘區，不過住沙田自然搵番就近會好啲啦！計埋啲預繳優惠，平均每月大約$700至$1,000，一年支出最少$10,000樓上。（請參考附表1）
但係俾我發現咗一個好消息，Boxful「自助迷你倉」喺石門開咗分店，12平方呎月租正價係$999，12個月預繳優惠月費$899，本身同市價相約，不過而家佢做緊$499月租優惠！「自助迷你倉」本身係有提存費，但呢個$499優惠會送埋每個月一次免費提存，而且仲免按金。只要俾$499就可以即租即用，全年優惠租金只係$5,988，真係抵用到笑！
2）16平方呎之選
朋友話驚12平方呎太吻水唔夠用，想租大啲，但又唔想月費去到太高。我睇番佢個預算，要租24平方呎就未必夠錢，就幫佢睇下16平方呎有乜選擇。
大圍、火炭、石門嘅16平方呎迷你倉比起12平方呎少，正價月租$1,100起至過$2,000，有啲仲要俾2個月按金，即係一開租就要俾幾千銀出去。（請參考附表2）
計一計數，其實用呢個Budget，倒不如用Boxful「上門迷你倉」，同水平租金但可以租到24平方呎，放到40箱物品，仲要免按金！再者，有專人上門幫佢搬貨入倉，自己乜都唔使煩，可以多啲時間搞結婚的事啦！
小編結論：唔講唔知，原來結婚生仔，都要搵迷你倉幫手，因為要增加家居空間嘛！沙田係一個大區，迷你倉分布於大圍、火炭、石門等，而呢幾個地點都相距甚遠，未必真係就近到所住地點。所以Boxful提供嘅「上門迷你箱」或「上門迷你倉」，都係相當抵用嘅選擇，唔使考慮地點同搬運問題。至於Boxful提供嘅「自助迷你倉」，係好適合一般家庭使用嘅方案，而家已經喺石門有分店，遲下亦會喺大圍提供服務！
Boxful 自助迷你倉 全綫$499限時優惠
全綫自助迷你倉儲存月費 $499，包括每月一次免費提存！
——
延伸閱讀：【儲存攻略】租用 迷你倉 的7大伏位
延伸閱讀：【儲存攻略】我需要租用 迷你倉 嗎？
緊貼Boxful Blog同Facebook Page，獲取更多家居生活貼士！