天氣又開始轉涼，係時候摷番啲 冬天衣物 、被褥等出來，唔好等到冷鋒到港先至臨急抱佛腳。況且，啲冬衣攞出來之後係需要有適當嘅處理，如清洗及晾曬，才可以發揮最佳效用。等Boxful提提大家點樣做好迎冬準備。
冬天衣物 收納基本步
冬天衣物同被鋪等都係厚身、較重，並佔據大量空間。所以於春夏季時，一般家庭都會將冬天衣物收起。冬衣嘅收納如果做得到位，喺換季時會事半工倍。以下係一啲冬天衣物收納小貼士：
- 選用透明或半透明膠箱收納冬衣，可以清楚睇到衣物位置，唔使翻箱倒櫃咁搵。
- 摺疊衣物時，盡量摺成同一寬度及高度，並採用直立方式放入收納箱，可更省位及方便取出。
- 可善用收納袋，將不同種類或材料的衣物分別收納，貼上標籤，要尋找及取用時更為方便。收納袋宜用防潮防塵的款式。
- 被褥收納宜用密封袋，並在袋中放入防潮劑及防蟲餅等。
晾曬被鋪要揀好日子
冬天衣物同被褥經長期放置，攞出來之後一定要先洗後曬，才可以使用或穿著。否則，有可能令人出現皮膚過敏。但所謂「晾曬」，並唔係隨便掛喺陽光下曬。要留意有好多被褥嘅質地都不宜長期曝曬。
- 留意天氣預報：除咗要留意幾時天氣會開始凍之外，其實更要留意有否陽光普照嘅日子，趁早攞定啲被鋪出來晾曬。最理想係在天氣降溫前嘅一星期左右，做好晾曬工作。但避免喺太大風嘅日子，令到花粉和塵埃容易沾上被褥和衣物。
- 晾曬時間不能過長或過短，最好是2-3小時，建議在上午11時到下午2時之間。曬太耐溫度過熱會損壞被褥嘅纖維。
- 如果真係冇陽光，折衷方法係用乾衣機以高溫烘乾衣物和被褥。
不同質地被褥嘅晾曬方法
被褥晾曬並非一次就夠，秋冬期間最好能定期晾曬，以達到除蟎效果。
- 棉被：每兩星期於太陽下曬2小時。用咗2-3年後，要將棉絮重新打鬆。
- 蠶絲被：每兩星期於通風處晾2小時。平日存放一定要放喺陰涼通風處，切忌存放於潮濕悶熱嘅環境。
- 羊毛被：可定期晾曬，但不能過於頻繁及不能曝晒。通常一個月曬1次，在通風處晾曬1-2小時就可以。
- 羽絨被：在濕度高的日子，要放在通風處晾曬，並略為輕拍。不使用時需存放於通風乾燥的環境並配合防蟲劑，不能密封。
溫馨提示：換季時使用額外儲存空間
你嘅冬天衣物同被褥佔據屋企大量空間？下次換季時，不妨考慮搵Boxful幫手，由專人上門幫你嘅冬天衣物以標準儲存箱或掛衣箱儲存，仲幫你入埋倉！你心愛嘅衣物喺最優質嘅環境之下妥善儲存，到天氣轉涼之時，再由專人送番上門俾你，超級方便！價錢唔貴，又可以幫你屋企個衣櫃慳番唔少位！
——
緊貼Boxful Blog同Facebook Page，獲取更多家居生活貼士！