潮濕嘅秋冬天即將嚟臨，夏季嘅衣櫃漸漸會被取而代之嘅係冬季厚被、毛氈大衣。BOXFUL 同你分享，上一季嘅衣物點樣喺轉季嘅時候安全咁儲存同埋保持住，唔外乎要留意幾個重點。
收納之前先清潔
大家或許都有類似嘅經驗，轉季衣物過咗幾個月之後拎返出嚟，但發現衫嘅氣味唔係好香，仲有可能黃咗，啲衫就咁唔能再著，通通掉。收納之前先確保衣物已經完全洗乾净再入庫。衫上嘅殘留汗水或者香水，唔好等到第二年，過咗幾個月之後，就容易永久留喺衣物纖維底層，變黃氧化就係咁開始嘅。特別係棉麻類嘅脆弱材質，呢啲衣物洗乾净之後一定要絕對乾燥，唔好上漿，殘餘嘅汗水或者濕氣，都會間接成為細菌嘅溫床，收納後嘅氣味就係咁嚟嘅。
乾燥係收納儲存嘅關鍵
食過腌製嘅食物喇？腌製食物之所以要加啲鹽同香料，原理就係高度嘅鹽分，可以令啲食物去水分，令食物保存得更耐。衣物收納都係一樣咁嘅。潮濕容易引嚟黴菌滋生，清洗之後一定要確保物件絕對乾燥，儲存嘅地方都要盡量做到防潮嘅工作，放入驅蟲劑同埋乾燥劑。夏季嘅衣物上面如果有啲做工比較精細嘅金銀裝飾，或者金屬飾品，容易氧化失去光澤，建議以薄薄嘅紙包裹住以隔絕空氣。
防蟲亦有學問，防蟲劑唔好亂用
防蟲劑亦都係化學物質，使用唔當對衣物都會造成直接傷害。每個櫃子只使用一種防蟲劑。唔同種類嘅防蟲劑互相暴露容易降低彼此嘅防蟲效果。防蟲劑切忌同衣物直接接觸。將防蟲劑用紙包住，同時多戳啲小洞俾味道循環，同建議防蟲劑應該放喺衣櫃嘅高處。因為防蟲劑嘅分子，通常比空氣重同埋大，將其放喺衣櫃高處，防蟲效果都較佳。
衣物嘅擺放亦會影響保存效果
不論你係用BOXFUL嘅標準收納箱、掛衣箱，定係你自己屋企嘅收納箱，衣物嘅擺放學問都係相同嘅。棉質衣物同絲質衣物唔好混放埋一齊，咁樣會令絲質衣物容易變色，正確嘅方法係按照衣物纖維種類分開：合成纖維質地嘅衣物最唔怕濕、唔怕壓，可以放喺最底層；棉、麻、毛質地嘅衣物放喺中間；而唔怕濕、唔怕壓嘅絲質衣物要放喺最上層。
T-Shirt最怕摺埋之後有摺痕出現，卷起嚟或者掛喺衣櫃入邊係最好嘅收納方式。除咗節省衣櫃空間之外，T-Shirt算係經常會取用嘅衣物，咁樣嘅擺放方式喺下一次換季嘅時候，都比較方便取出。另外淺色嘅衣物容易沾染灰塵同氧化變色，建議在淺色衣物之外套一層深色衣物，減少淺色衣物跟空氣做接觸。
溫馨提示：想家中物品儲存得宜，保持室內乾爽十分重要，以冷氣機配合抽濕機去調節室內濕度，你家居物品自然加強咗保障！正如BOXFUL嘅倉庫，亦都相當注重室內溫度同濕度嘅控制，務求大家可以放心將你最寶貝嘅物品存放喺最妥善嘅環境！
——
延伸閱讀：【一機二用慳地方】具備空氣清新功能的 二合一抽濕機 推介
緊貼Boxful Blog同Facebook Page，獲取更多家居生活貼士！