天氣開始潮濕多雨，又進入塵蟎滋生嘅季節！我哋家中嘅沙發、床褥、枕頭、毛公仔等，都分分鐘變成蟎蟲嘅溫床，而呢啲塵蟎就係令家人過敏嘅元兇！Boxful今次教大家幾招 除塵蟎 抗敏感嘅實用小方法，希望保護好大家嘅呼吸系統！
1）除塵蟎 吸塵機
有效度：★★★☆☆
優點：除塵蟎吸塵機在坊間一度流行，好處係一機兩用，既可吸塵又可除塵蟎，隨時隨地想吸就吸。
缺點：呢類吸塵機並不便宜，如果太平價的款式則效果成疑。另外如果要清潔床褥的話就還要自己搬動，頗為費力。而床舖和沙發的裏層就算用除塵蟎吸塵機都很難吸乾淨，塵蟎屍體會殘留。此外，家中要擺放多一部除塵蟎吸塵機，其實都幾嘥位。
2）上門 除塵蟎 服務
有效度：★★★☆☆
優點：請專業的除塵蟎團隊上門除塵蟎，呢啲專業團隊嘅吸塵機係價值更貴嘅水溶式吸塵器，可以徹底清潔堆積喺床鋪和布沙發嘅塵蟎屍體。只要換季時清理一次就可以，又唔使再騰出空間放置吸塵機。
缺點：有啲人並唔喜歡讓外人進入家中清理。再者呢啲服務一般只包括床褥及沙發清理，其他地方則要貴客自理。
3）自己出手 除塵蟎
有效度：★★★★☆
上面兩招如果始終有額外花費，那就倒不如自己勤力啲，每個月做好以下清潔工作：
✔︎ 定時清洗、更換床單、床冚、沙發墊。
✔︎ 趁天氣好出太陽時，把棉被、咕?、毛公仔等攞出室外曝曬、拍打。
✔︎ 每天室內用抽濕機除濕超過12小時。
✔︎ 在進行換季收納工作前，要再把想收納嘅衣物先清洗及完全乾掉後，以真空袋保存。
優點：自己動手，省回不少金錢。
缺點：一個人做呢啲工作比較吃力，亦花時間。另外如果唔用真空袋而求其用膠袋把換季衣物收起，一樣會堆塵和生塵蟎。
其實，以上幾個方式大家可以混合進行，主要目標就係打造出一個濕度低、乾淨嘅居住空間。再提供你一招終極絕招：換季衣物不妨使用迷你箱去儲存，放置在恒溫又乾爽的倉庫中，如此一來，家中嘅布製品和衣物數量減少，自然減低塵蟎堆積嘅可能。而送去迷你箱存放嘅衣物喺秋冬換季時再取回，該些衣物亦不容易殘留過敏原，絕對係一舉數得！
——
延伸閱讀：【 抽濕機 選購情報 】 邊款最好抽？消委會話你知
緊貼Boxful Blog同Facebook Page，獲取更多家居生活貼士！