秋風起，大家走到街上已感到陣陣涼意，係時候搵番啲秋裝出來，同夏天衫換位。唔好睇少呢個換季工程，將 夏天衣物 收納好其實都有啲地方要注意，並非求其摺埋攝入衣櫃中咁簡單。就等Boxful提提你一啲夏衣收納小貼士啦！
1）先清洗，後收納
呢點十分重要，每一件夏天衫喺收納之前，都要洗得乾乾淨淨。夏天衫一般較薄身，又以淺色為主，如果洗得唔乾淨，殘留咗啲汗水香水，就好容易變色！明年攞番出來先發現，都已經救唔番！
2）分類擺放
大家通常會將啲夏天衫摺好疊埋咁存放，咁樣雖然最慳位，但注意要分類擺放。例如：真絲衣物唔可以同棉質衣物一齊擺放，否則真絲衣物有機會變色。
真係要疊起啲衣物，建議你按衣物種類分層咁疊：合成纖維衣物可以放在最底層，棉質、麻質、毛質等衣物可放中層。絲質衣物則要放最上層，且最好用紙包起。
另一建議係於每件衫之間加一張乾淨紙皮，方便抽啲衫出來。其實市面上有售一啲衣物收納板，比紙皮更方便衛生。
3）T恤存放法
不論男女，夏天都經常會著T恤，而存放T恤除咗摺起疊放之外仲可以捲起收納。捲放的話，一來可以更節省衣櫃位置，二來T恤唔會咁易起摺。
4）防蟲劑
存放夏天衣物嘅衣櫃或膠箱，都要做好防蟲措施。要注意嘅係，雖然市面上防蟲產品五花八門，但一個衣櫃中只可以使用一種防蟲劑；如果你同時用幾種，會弄巧反拙，影響效果。防蟲劑要放喺衣櫃高處位置，因其密度比空氣高，向下擴散比較容易。當然仲要避免防蟲劑同衣物直接接觸到。
另外，喺衣櫃底部鋪上報紙，都有助防蟲，因為報紙上嘅油墨氣味乃係蛀衣蟲嘅煞星。
5）搵Boxful幫手
最後送多一個超級貼士俾你！你可以搵Boxful幫手，由專人上門幫你嘅夏天衣物以標準儲存箱或掛衣箱儲存，仲幫你入埋倉！你心愛嘅衣物喺最優質嘅環境之下妥善儲存過冬，到明年你換季之時，再由專人送番上門俾你，簡直係新嘅一樣！而且價錢唔貴之餘，仲可以幫你屋企個衣櫃慳番唔少位！一舉幾得嘅服務，好值得使用！
——
延伸閱讀：【冬天 衣物儲存 】迷你箱 Vs 洗衣店，到底邊樣好？
緊貼Boxful Blog同Facebook Page，獲取更多家居生活貼士！