入秋要 換季 ，將啲夏天衣物用正確方法收納好固然重要，但除咗衣物之外，其實一啲夏日先會用到嘅衣著配搭品、配件，例如涼鞋、絲巾、泳衣等等，都需要正確咁存放，等佢哋好好「過冬」，迎接明年嘅夏季！即刻睇睇Boxful為你提供嘅小貼士！
1）涼鞋
收納涼鞋之前，務必要將佢哋先清潔乾淨。布質或人造皮嘅涼鞋可以就咁用水清洗，真皮涼鞋就不宜沾水，只能用專用嘅皮革清潔用品清理，或者亦可以用擦膠擦去皮上嘅污漬。記住，除咗鞋面之外，亦要為鞋底去除污漬。之後要徹底晾乾，最好在鞋中塞入報紙，再以鞋盒保存。
2）絲巾
愛好絲巾嘅女士，其實唔只喺夏天，就算春秋兩季都會用上絲巾嚟做配搭，所以絲巾嘅收納重點係唔使收得好埋，要方便隨時都可以攞嚟用，同埋最緊要係防皺。最簡單方法，就係將絲巾對摺，掛喺衣架上，用小衣夾固定；衣夾同絲巾之間最好用厚紙隔一隔，以防衣夾破壞絲巾。
亦有人會以紙盒、文件夾，甚至保鮮紙筒嚟存放絲巾，都係可以參考嘅方法。總之收納之前，記得要先將絲巾熨平，並梳理好啲流蘇。
3）絲襪
夏天女生常用的薄絲襪，收納時不能求求其其隨便疊放一堆，咁會好易令絲襪有損壞。重點就係要一對一對個別分開收納，你可以喺市面上購買一啲分成一格格嘅專用收納盒/收納袋，甚至用膠杯、膠盒自製都得。
4）游泳衣物
泳衣、泳褲、泳帽等等嘅收納，事前徹底清洗係最重要。方法係先放喺清水浸半小時，咁先可以完全除去殘留嘅泳池池水化學物，之後再手洗。晾曬之前要徹底脫水，以防止變形。
換季收納期間，發覺屋企空間唔夠，啲嘢唔知點擺放好？你可以考慮搵Boxful幫手，由專人上門幫你嘅夏天衣物以標準儲存箱或掛衣箱儲存，仲幫你入埋倉！你心愛嘅衣物喺最優質嘅環境之下妥善儲存過冬，到明年你換季之時，再由專人送番上門俾你，簡直係新嘅一樣！而且價錢唔貴之餘，仲可以幫你屋企個衣櫃慳番唔少位！一舉幾得嘅服務，好值得使用！
——
延伸閱讀：【 蝸居 秘笈】增加空間感的5大方法
緊貼Boxful Blog同Facebook Page，獲取更多家居生活貼士！