近數個月來，在疫情影響之下，不少人因為停工、停學、自我隔離，甚或失業，被迫宅在家中；加上「限聚令」等措施，大家無街可行、無物可購，購買欲無法釋放，於是紛紛轉移到網上消費，令網購生意額大升。但咁樣買下買下，分分鐘會 網購成癮 ，買到一屋都係嘢，變咗儲物狂！
疫市網購生意大升
近幾個月，大家經歷過搶購口罩、搶購廁紙、搶購米糧等等瘋狂嘅搶購日子之餘，有冇發現屋企其實都買多咗好多其他嘢？雖然已經好少去商場、冇乜點行街，但我哋仍然可以喺網上購物，用手機或電腦篤幾下、撳幾個掣，就可以足不出戶俾錢買嘢，而貨品仲會送到府上。就係因為咁方便，喺不知不覺間，就好容易諗都唔諗，愈買愈多。
而且，因為疫情令大家宅在家中，心情煩悶，一直抑壓住嘅購買欲更加想釋放。根據GfK消費者信心研究發現，自2020年2月以來，有超過40%的消費者更頻繁地上網購物。內地購物網天貓就公布，今年「三八女王節」期間，美容化妝產品首日銷量已超越去年3日總和，一啲非必要嘅家居用品銷量更加暴升，例如：三文治機首小時成交額比去年增長1,500%、蒸汽拖把首小時賣出比去年多380%、廚師機首38分鐘銷量超已超過去年全日……
災後消費行為
2005年颶風卡崔娜釀成美國特大風災之後，有研究人員分析受害者喺災後嘅消費行為，發現災難同消費之間有微妙關係：災難事件導致人們損失財產，以及失去對原有生活嘅掌控力，因而產生壓力；壓力導致輕微的抑鬱情緒，從而誘發出消費行為以自我紓緩焦慮和壓力。
相信同樣嘅情況，已經喺今次新型冠狀肺炎疫情中出現。事關呢次疫情可以話係全民性嘅災難事件，大大減少咗大家獲得快樂嘅途徑，於是就藉住消費去增加快樂；變相好多買回來嘅物品並非必需品，亦唔係一直想買嘅東西，只係一啲衝動消費，大家往往用「補償」、「獎勵」為理由。不自主咁決定付款。同時，大家亦透過消費，嘗試找回對生活的掌控。
睇番本港嘅例子，大家近日一窩蜂購買某遊戲機和某款遊戲以至出現炒價、個個去超市買某款經典雪糕、某O2O網店生意額大升，以及上面提到的網購成癮，都係大家喺疫情壓力下，作出自我紓緩嘅消費行為吧。
慎防變購物狂
由於今次疫情並唔會有具體結束時間，大家生活脫離咗正軌之餘，疫情引致嘅經濟損失同生活變化可能對每一位都有深遠影響。因此，過度嘅衝動消費同補償消費，長遠而言會有相當負面嘅反效果。除咗徒增經濟壓力、買到一屋雜物之外，呢種購買行為所帶來嘅短期安慰可能會引發強迫性購買，最終變成購物癮、儲物狂，對個人財務同心理健康都會造成傷害。
所以，喺你宅在家中有衝動想網購之時，不如轉移下注意力，先諗下點樣執下間屋？（相關閱讀：【居家抗疫做乜好？】係時候 執屋 ！家居物品整理7大重點）如果執屋之際，發現自己已經儲咗太多物品唔夠地方收納，可以搵Boxful幫你手喎！
Boxful 上門儲存月費優惠
上門迷你箱及上門迷你倉服務可享首月免費 $500 儲存月費優惠！
——
延伸閱讀：【全城抗疫】停課期間加倍注意兒童家居安全
延伸閱讀：【全城抗疫】家居防疫措施全攻略
緊貼Boxful Blog同Facebook Page，獲取更多家居生活貼士！