衣櫃冇位？要扔舊衫？咪住！其實你嘅衣櫃仲有好多位嘅！只要你善用以下 衣物收納 8招，就可以為你嘅衣櫃騰出更多空間，仲可以更方便攞到你想要嘅衣物，即刻睇睇！
第1招：EzStax可疊收納板
呢樣簡直係收納神器！每當啲衫摺埋疊起咗，而你想攞下層嘅衫，肯定會整亂成楝衫。只要你利用可疊收納板，墊在衣物之間，除咗會更整齊之外，搵衫時亦唔會整亂啲衫，十分好用！
第2招：防塵衣格
防塵衣格除咗方便方物收納，更有防塵防潮嘅作用。衣格相當輕便，可以隨時變更位置，可以好彈性咁配合其他家具使用，善用空間。
第3招：有轆揭蓋收納箱
呢類收納箱好適合放換季衣物。即使天氣突然有變化，透明嘅收納箱讓你可以好易搵到要用嘅外套，而斜揭蓋亦方便你攞衫，唔使下下要搬開上層嘅箱。
第4招：不鏽鋼褲架
呢類褲架，讓你可以唔使整亂一疊褲而抽出你想要嘅嗰條褲。最緊要係，一個褲架可以掛5條褲，大大增加咗衣櫃內嘅可用空間。
第5招：防塵手袋掛袋
女士們嘅手袋，比衣服更加重要！但佢哋往往被塞喺衣櫃一二角，真到女主人想用時先會被摷出來。如果使手防塵掛袋，一來可以防止包包發霉，二來又可以方便女主人搵到，相當實用！
第6招：小衣物收納盒
呢類小衣物收納盒，專門用來收納內衣褲、襪子等，可以避免呢啲小衣物消失喺其他衣物之中，方便搵、方便配搭。
第7招：懸掛式衣物收納盒
懸掛式收納盒為你增加衣櫃內嘅空間，將原本掛起來嘅衫以摺疊方式收納。唔需要用時，又可以摺成扁平易於收納。
第8招：Boxful幫你更慳位
甚少用嘅換季衣物，可以花少少錢搵Boxful幫手，有專人上門為你收納在優質倉庫，大大節省你家中嘅空間！
——
緊貼Boxful Blog同Facebook Page，獲取更多家居生活貼士！