迷你倉喺香港愈來愈盛行，差唔多每一個區都有，有啲區甚至開到其門如市，反映咗各區市民都真係好有額外儲存空間嘅需要。小編有朋友剛剛大屋搬細屋，搬咗去荔枝角區，正想搵個迷你倉放置幾箱雜物。今次就同大家睇下荔枝角區同埋就近長沙灣區嘅 迷你倉價錢 。
1）最低消費之選
租迷你倉第一件事，就係睇下自己嘅實際需要：到底要放幾多嘢？要租幾大個倉？租得太大，長遠嚟講就係浪費金錢。
朋友話佢要放「幾箱雜物」，咁其實租個最細嘅倉都應該好夠用。一般迷你倉嘅最細倉係6平方呎至9平方呎，睇番荔枝角同長沙灣區都有幾多呢啲Size嘅迷你倉，月租正價由$500左右至超過$1,000。計埋預繳優惠，最平大概每個月平均$400冇走雞。（請參考附表1）
計完數之後，小編都係建議朋友用「上門迷你箱」服務。好似Boxful個「標準迷你箱」，我當佢租6個箱，每個月俾$294就搞掂，連按金都唔使俾（一般迷你倉都要繳付按金，相等1個月或2個月的租金），連埋「首月減$500」優惠，變相一文不付就可以有專人幫佢放嘢入倉，使乜又去睇倉又要揀倉搞咁多嘢，時間都係金錢來的！睇番個表，呢個方案比起租6至9平方呎迷你倉，每年花費可以慳番三數千至近萬元，絕對唔係講笑！
2）12平方呎之選
殊不知，朋友所謂嘅「幾箱雜物」，原來係有成10箱再加幾個紅白藍袋！咁條數就唔係咁計了。呢個Case，佢至少要租個12平方呎嘅迷你倉，咁就剛好放得晒呢堆物品。一般12平方呎迷你倉，大約放到20個紙皮箱啦。
睇番荔枝角同長沙灣區，12平方呎迷你倉供應量都多，不過租金極之海鮮價，$700幾$800起跳，去到近$2,000！計埋優惠，每月消費至少都$600，一年閒閒地要支出過萬元。（請參考附表2）
反而Boxful嘅「自助迷你倉」喺荔枝角有分店，12平方呎月租正價只係$649，12個月預繳優惠月費$584，而家仲做緊$499月租優惠！雖然「自助迷你倉」係有提存費，但呢個$499優惠會送埋每個月一次免費提存。另外，最吸引嘅係免付按金，俾幾百蚊就可以即租即用。
3）24平方呎之選
如果想預鬆啲，可以考慮24平方呎迷你倉，基本上放置普通一家四口嘅換季衫等雜物係絕對足夠。荔枝角同長沙灣區嘅24平方呎迷你倉選擇都多，正價月租$1,300起跳，最貴去到$2,200左右。去到呢啲價位，令到按金都唔係細數目，而且多數都係要俾2個月按金，即係冇幾千銀都租唔到倉。（請參考附表3）
想平用24平方呎儲存空間，可以考慮Boxful「上門迷你倉」，月租正價$1,089，可以放到約40個紙皮箱。呢個價錢比起其他迷你倉平，但免付按金先係最煞食！用埋個「首月減$500」優惠，即係幾百蚊就租得到，又有專人上門幫你將貨入倉，安坐家中就乜都搞掂晒！
小編結論：比起九龍一啲熱門迷你倉區域（例如觀塘），荔枝角、長沙灣區嘅迷你倉價錢係會貴少少，不過選擇都算多。作為該區住客，就無謂為咗慳嗰少少而跨區租倉，始終租喺同區會方便存取。不過，如果你選擇Boxful嘅「上門迷你箱」或「上門迷你倉」，就唔使考慮跨區問題，而且價錢亦比起租倉平，可能係一個更適合你嘅方案。
Boxful 自助迷你倉 全綫$499限時優惠
全綫自助迷你倉儲存月費 $499，包括每月一次免費提存！
——
延伸閱讀：【儲存攻略】租用 迷你倉 的7大伏位
延伸閱讀：【儲存攻略】我需要租用 迷你倉 嗎？
緊貼Boxful Blog同Facebook Page，獲取更多家居生活貼士！