愈來愈多人都需要租用 迷你倉 ，Boxful已經多次同大家分享過選擇同租用迷你倉嘅注意事項。而今次將會同大家再睇深入啲，探討一啲租用／使用迷你倉嘅進階注事事項。第一次租用迷你倉嘅你，係好可能會忽略呢啲重點！
1）迷你倉位置是否方便泊車
好多時迷你倉嘅宣傳，會話自己鄰近乜乜港鐵站、交通方便。用家好多時就會忽略咗一件事：迷你倉防近方便泊車／停車嗎？通常我哋放嘢入迷你倉（特別係第一次），都唔會少嘢，動輒十箱八箱甚至幾十箱物品，多數都要動用私家車或者租用貨Van。好多迷你倉位處工業區，本身未必有停車場，就算有都可能泊位有限經常冇位；而周邊街道亦會全日被貨車佔據，泊車、上落貨極不方便……
因此，揀迷你倉時，最好搵一間本身有停車場的。如果冇，就要留意周邊街道，是否方便泊車／停車上落貨。否則每次你都要喺較遠地點卸貨，極不方便。
2）迷你倉是否有職員駐守
唔好以為個個迷你倉都有職員喺度，事實好多真係得個倉，你要搵人睇倉必須預約的，平時個倉唔會有人。
有職員駐守有乜好處？其實多數駐守嘅職員都只係辦公時間喺度，佢哋嘅職責並非看守個倉，反而多數係做租務相關工作。不過，因為佢哋基本上會日日返工，Touch Wood個倉有乜事發生都會第一時間知道。舉例，如果迷你倉半夜漏水，第二朝就會被發現，絕對可以減低損失，唔會好多日之後先有人知，就冇得救了。
所以建議大家最好揀一啲有職員駐守嘅迷你倉，同時可以向該職員索取手提電話，有乜嘢事都可以第一時間搵到人去跟進，唔使下下等佢公司回覆；相反如果個倉有乜事，該職員都可第一時間直接搵到你。經驗中，多數呢啲迷你倉職員都係嬸嬸，相當好人的。
相關閱讀：【儲存攻略】使用 迷你倉 服務的7個步驟
3）不宜用密碼鎖
大家都知道，租用迷你倉要自備倉門的鎖頭，好多時租客貪方便就會買一個密碼鎖頭，唔想袋多一條鎖匙。但建議大家，盡量都係用番有鎖匙的鎖頭比較好。
何解？因為密碼鎖頭始終有被人破解密碼嘅風險。一般密碼鎖頭都係用三至四個數字嘅密碼租合，其實有心之人只要花時間慢慢去試，要解鎖並不難！要注意好多迷你倉都係24小時開放，難保有人會三更半夜上去，慢慢試密碼！雖然有CCTV，但只要那人故意遮面（戴帽戴口罩），事後都未必可以追究到。而迷你倉失竊，通常都要由客人自行承受損失的。
4）用膠箱好過紙箱
好多人將啲物品放入迷你倉，都係用紙箱，其實最好都係花多少少成本，用有蓋膠箱。
紙箱雖然可能較平，但並不耐用。放在倉內，萬一遇潮濕，會滲水、發霉，甚至生蟲，大大損害裏面嘅物品。亦曾經試過有迷你倉因廁所爆水管而水浸，將好多客人倉內嘅紙箱全浸濕，裏面衣物全廢，據知只獲賠一個月租金。
所以，還是用膠箱比較穩妥。如果怕箱蓋會滲水，可以在合上蓋前，自行加一層俗稱「保鮮紙」的膠膜，就萬無一失。
相關閱讀：【搬屋收納必用】各式 儲物膠箱 大比併
5）別被優惠蒙蔽
迷你倉喺宣傳時，周不時都會推出各式優惠，例如：「首月倉租1蚊」、「免費一個月」之類。大家千祈唔好見到就信到十足十，因為好多時你上到去，又係另外一回事。
經驗試過，當提出想使用「首月倉租1蚊」優惠時，職員會同你講：「你用咗呢個優惠，咁就一定要租12個月，而且係用正價租，唔會有任何折扣。如果唔用呢個優惠，就可以有9折，亦唔使簽12個月。」
喺咁嘅情況之下，相信唔使點詳細計數，大部分人都會棄用優惠。即係話，個「首月倉租1蚊」優惠形同虛設，只是用來吸睛的。所以大家選迷你倉時，不用太理會優惠這一部分。
租用迷你倉看似簡單，但其實都有好多嘢要注意。有愈嚟愈多消費者就唔想煩，決定選用類似Boxful嘅迷你箱／儲存箱服務，點解佢哋咁選擇？可以睇下呢篇文章：【儲存攻略】我選用 儲存箱 而不用迷你倉的5個原因
講到尾，最緊要都係因應自己嘅儲存需要，選擇有信譽嘅公司，選用最適合自己嘅服務。如果你唔肯定自己需要點樣嘅儲存服務，或者Boxful可以幫到你！Boxful嘅儲存費用可以係逐個箱計，用幾多俾幾多！同時亦有按面積計算嘅迷你倉服務，悉隨尊便！而且以上兩者都係有專人上門幫你搬貨入倉，省卻不少麻煩。而家Boxful仲有埋俾顧客自己進行儲存嘅自助提存倉，令你有更彈性選擇！
——
延伸閱讀：【我的 迷你倉 血淚史】4大迷你倉煩惱
延伸閱讀：【儲存攻略】我需要租用 迷你倉 嗎？
緊貼Boxful Blog同Facebook Page，獲取更多家居生活貼士！