農曆歲晚又臨近，係咪一諗起要準備大掃除就開始頭痛呢？其實唔想年年都臨急抱佛腳到年尾先一次過收拾打掃，大家好應該平日就養成好習慣，盡量保持家居清潔整齊，咁就冇所謂「大掃除」嘅必要。Boxful就為你介紹德國人流行嘅「無意識打掃法」，你掌握之後，都可以在「無意識」之下就「打掃」咗家居！
話說，德國人都響應「無意識打掃法」，即係隨手都準備一條毛巾，無意識咁令居住環境維持適度清潔。「無意識打掃法」嘅基本原則，就係趁住「看不見的汙垢」仲未變成「看得見的污垢」之前，就馬上處理。以下15招就係一啲實用例子，有啲雖然唔係同打掃有直接關係，但都係一啲令個人生活簡單整潔嘅好習慣：
1）家中房門要全部打開
首先，不建議喺家中大門及房間門嘅把手上掛有任何物品，門口附近亦盡量唔好擺放櫥櫃或雜物等，要讓房門保持在可以完全打開嘅狀態，咁樣會顯得房間更寛敞整潔。就算冇人喺屋企時，建議所有房門都維持半開狀態，空氣流通可以防止灰塵囤積喺房間裏面。
2）地板上不要放雜物
好多人都有將雜物堆放喺房間地板上嘅習慣。其實，無論家中地板係乜嘢材料，地上都唔應該擺放過多物品。德國諺語有云：「地板髒亂，就儲不了錢。」
3）房間中央不要擺放大型家具
大型家具，如電器或枱應該放置喺房間角落，咁就唔會有空間壓逼感。另外，房間應襯以散發柔和光線嘅燈飾，加上較舒適嘅椅子或沙發，營造舒服嘅氣氛。
4）朝早一起床就要開窗
要養成一個習慣，就係每日朝早一起床，就打開房間窗戶，為房間換氣之餘自己又可以作深呼吸，令自己精神煥發咁展開新一天。
5）餐枱上要保持清爽
餐枱係用餐進食嘅地方，如果枱上擺滿太多瓶瓶罐罐、調味料、茶具甚至雜物，紊亂不堪之餘更會影響食慾。最好只擺放一些鮮花或少許裝飾品，用餐後要擦拭亦較容易。
6）物品用完即歸回原處
用過嘅物品一定要即時就放回原處，唔好養成隨手亂放嘅壞習慣。呢個好習慣我哋自細就曉得，但就唔係人人都做得到。
7）物件跌在地，馬上執番起
好多時，一些小物件跌到地上後，我哋都會懶得執起來，尤其係跌咗去床下底、沙發邊、書枱底之類，久而久之呢啲地方就會累積成為垃圾溫床。
8）櫃門要常常關好
無論係衣櫃、鞋櫃、櫥櫃或雜物櫃嘅門，只要開過之後就要緊記關妥。
9）電器損壞要盡快維修
當家中嘅大小電器，如風筒、雪櫃、風扇等壞了，記得及時修理。同時，小電器如鬧鐘、遙控器冇電，亦要盡快換電。因為一件損壞嘅電器一直拖延唔修理，等於令家中多一件廢物，久而久之甚至變成沒法修理的垃圾。
10）污糟咗嘅物品要順手清理
好多人都唔慣即時清理，例如剛用完嘅杯杯碟碟唔會想即刻洗，硬係要放一陣甚至隔幾日。但其實順手清理係成功擺脫髒亂嘅最好習慣！
11）將待辦事項記低
養成隨手記事嘅習慣，將每日要做嘅事、需要及時購買物品嘅清單都寫低（或記喺智能手機中），事事有條理就會節省許多時間。
12）決定物品嘅收納位置
每一件物品無論大小，都要有佢固定嘅收納位置，而唔係隨意亂放，呢個就係整理嘅最基本之道。
13）以適當整潔為目標，而非追求完美無瑕
只需要把家居維持在適當的整潔程度，令家中裏裏外外看起來都光潔、整齊就可以。因為世事無完美，你冇可能令家居真的一塵不染。
14）一邊使用，一邊打掃
使用後嘅工具或地方等，要記得順便清潔或打掃，這是最有效率嘅清理方法，省卻了下次再清理嘅麻煩。
15）擦亮家中所有會反光嘅物件
只要時常將家中嘅鏡子、玻璃、金屬門把、地磚、水龍頭等會反光嘅物件都搽得光潔明亮，就已經可令人有心曠神怡嘅感覺。
只要將呢套「無意識打掃法」喺你嘅生活中實行，咁喺你不知不覺中，家居或辦公室都會整潔、整齊，到真正要大掃除時都只係家常便飯，唔會有好多額外粗重工夫要做，免去不少麻煩。
當然，在處理雜物方面，也許你會需要額外儲存空間，咁就不妨搵Boxful幫你手！無論你需要迷你倉服務，定係更彈性嘅迷你箱，Boxful都可滿足到你嘅需要！
——
延伸閱讀：【天寒地凍要保暖】家居 電暖爐 選購攻略
延伸閱讀：【客廳太細，唔夠位擺嘢？】4招幫你增加 客廳收納 空間
緊貼Boxful Blog同Facebook Page，獲取更多家居生活貼士！