好多時，大家喺Office個位都係堆滿晒嘢，文件、紙箱等圍住個座位「生長」咁，不但令自己出入困難，甚至會佔據埋通道，阻到同事之餘，分分鐘會被撞冧。不如趁新一年開工大吉，大家睇下點樣可以將 辦公室 嘅工作空間收拾整理，令大家有個更愉快舒適嘅工作環境。
1）設定辦公室布置主題
喺進行辦公室收納工作之前，先諗下你想個辦公室變成點樣。有咗主題，會比較好辦事。最好你同你個工作團隊一齊討論，大家提出建議，一齊投票決定用乜嘢風格，例如工業風、簡約風等，咁之後去採購收納箱嘅時候就可以選擇相應嘅款式，令到整個辦公室嘅布置有一致性，唔會出現風格凌亂、各走極端嘅情況。
2）設立方便收納的儲物區
大家成日堆放喺座位附近嘅文件箱、雜物箱，應該統一存放喺雜物房。其實好多Office都有雜物房，只係冇人去管又冇人會理，通常大家只係將用完嘅物品，例如公司活動之後嘅種種道具（Backdrop、大聲公、抽獎箱、紀念品之類），乜都求其塞晒入去，最後往往搞到雜物房入都入唔到，啲嘢放咗入去亦根本搵唔番出來用。
請務必喺雜物房留番一條可以俾人行到入去嘅通道。雜物房入面可以分開為每個員工嘅儲物區，最理想係大家先用收納箱存放雜物再放入儲物區；但建議唔好用一啲抽屜式嘅收納櫃，因為要拉開抽屜需要額外空間。有蓋嘅收納箱可以防塵，而無蓋嘅收納箱就方便存取，視乎你公司嘅實際需要。
3）租用額外空間
如果辦公室雜物真係太多，倒不如建議老闆用少少錢租儲物空間。未必要租用迷你倉咁大陣仗，其實仲可以考慮租用文件箱、收納箱；前者可以儲存公司平時唔會用到但又必須保存一段時間嘅文件，後者就可以放置一年先用一次半次嘅道具（如聖誕布置物品等）。
以上簡單嘅辦公室收納貼士，有助大家善用有限嘅Office空間，優化工作環境。相信任何有助促進生產力和工作氣氛嘅建議，老闆們都一定好贊成！
——
延伸閱讀：馬上學習德國人「無意識打掃法」15式
延伸閱讀：【儲存攻略】 節日用品 阻地方，「一節一箱」幫到你！
緊貼Boxful Blog同Facebook Page，獲取更多家居生活貼士！