一年一度嘅香港書展就快開鑼，其實書展都同家居收納有好大關係㗎！點解？因為好多人趁每年書展係咁掃平書，一堆一堆書咁買晒返屋企，然後發覺書架早就滿晒，於是好多書本就四圍擺放、鋪塵，成為書牆、書山……但係從好嘅方面去睇，其實有不少好書係教大家做好家居收納㗎！以下係Boxful為大家推介2018年度關於家居收納嘅 10本好書 ，去開書展不妨留意下！
1）《零雜物！日本收納達人の極速整理法》
作者：宇高有香
譯者：林格
出版社：平凡文化
出版日：2018年7月
作者宇高有香係日本嘅超人氣家居規劃師，主張「自宅能量」，提議透過收納和室內裝潢，打造「自宅」源源不絕的能量空間。佢認為，收納嘅終極目的係「令自己和家人感到舒適的空間」，整理只係達成目的嘅「手段」。佢俾大家嘅四大貼士係：
貼士1：首先，從「規劃（整理思緒）」開始。
貼士2：整理，「選擇（留下）對自己來說必要嘅物品」，唔需要的東西選擇「放手」。
貼士3：收納，就係將貼士2留下嘅物品，搵地方擺放。
貼士4：貼士 1至貼士3係打造生活嘅基礎。之後，就要整頓（調整外觀）、整理（就定位置）養成為每日生活嘅習慣。
2）《戀家日常「愛用品」書》
作者：生活倡議編輯部
譯者：邱喜麗
出版社：野人文化
出版日：2018年6月
本書網羅咗20位日本及台灣人氣Lifestyle Instagramer，一探佢哋嘅衣、食、家居，及愛用嘅生活用品，從而學習到關於品味生活嘅重點，例如：物品選購原則，降低衝動性購買機率；家居收納同布置技巧；藉喜愛之物，打造出屬於自己舒適寫意嘅日常風景。
3）《選擇住在小房子》
作者：加藤郷子
譯者：游韻馨
出版社：采實文化
出版日：2018年5月
間屋大啲，就會冇咁亂？可以放多好多嘢？日子過得更舒適？真係咁樣嗎？本書作者加藤郷子卻認為：住細屋，生活反而更幸福！佢以8個日本小住宅實例，打破一般人覺得「細 = 擁擠 = 不幸福」嘅印象，與大家分享住喺細屋入面嘅快樂哲學。
4）《超簡單整理收納術，讓家煥然一新！》
作者：于之琳
出版社：日日學
出版日：2018年5月
于之琳係台灣人氣收納魔法師，最擅長「口袋摺衫術」。此書除咗教大家各式衣物嘅摺疊法之外，又教大家整理衣櫃、銀包、書籍、照片、紀念品……全屋兼顧，令人由「厭家」變成「戀家」！佢嘅收納重點，係強調整理並非一直棄置物品，而係由帶適合嘅物品回家開始，令生活更愜意。
5）《衣櫥減法：喚醒輕盈的自己》
作者：陳麗卿
出版社：時報文化
出版日：2018年5月
呢本書作者陳麗卿係知名形象管理顧問，關於形象同衣著嘅著作有超過20本。佢嘅心得係好形象唔代表要擁有好多衫，大家經常著上身嘅衫只佔衣櫃中20%，其餘80%都係浪費！佢會教你睇清你嘅「想要」與「不要」，如何斷捨離過多衣物與擠逼衣櫃。書中有完整嘅衣櫃整理技巧，讓衣物篩選、處理、分類、收納變得輕鬆簡單；同時以創新嘅「Dress Flow」法則，令衣櫃永遠保持最佳狀態。
6）《無印良品的收納魔法》
作者：主婦之友社
譯者：林琬清
出版社：台灣東販
出版日：2018年3月
「無印良品」極簡單又時尚嘅設計，無論係運用於家居、辦公室，都即時展現出俐落的美感，所以一直好受歡迎。但點樣先至可以將「無印良品」嘅商品利用得最好？書中7位家居收納專家，完美示範點樣發揮「無印良品」嘅特性，並提升美感同生活機能，無論你屋企幾細、雜物有幾多，都可以整理到靚一靚！
7）《地表最強！宅宅專用收納術》
作者：玄光社
譯者：林農凱
出版社：楓書坊文化
出版日：2018年3月
你係「宅男宅女」？你係收集狂？咁呢本書就係為你而設！除咗收集之外，展示都好重要，點樣令你家居成為最佳嘅展示舞台？書中有12種不同類型嘅周邊收納技巧，由Figure、模型、漫畫、襟章、紀念品，以至浴巾、攬枕，都一一教你點樣整理收納，以及教你點樣用DIY展示裝置去Show Off你嘅珍藏！淨係睇啲專家示範都令人熱血沸騰！
8）《高效清潔收納術》
作者：潔客幫
出版社：台灣東販
出版日：2018年2月
「潔客幫」成立於 2014年9月，係台灣一家結合網絡、數據分析、家務專業技術嘅O2O家居清潔公司。用家可以透過網頁、手機App快速落柯打，再由專人上門為你清潔打掃。咁專業嘅團隊，自然有好多家居清潔心得同貼士！呢本書就係「潔客幫」分析咗大量清潔收納案例，配合長期累積經驗，為讀者提供最完整嘅打掃收納步驟與知識，由解釋清潔工具、清潔用品，到介紹清潔收納技巧，以至提供慳錢慳力打掃貼士等，絕對係一本寶典！
9）《跟巴黎人學收納》
作者：本多さおり
出版社：尖端
出版日：2017年12月
本多さおり（Honda Saori）係日本人氣收納諮詢顧問，其家居著作十分暢銷，主張以客戶嘅生活方式與個性為第一優先考慮，提出不用勉強自己都可以輕鬆收納嘅方案。呢本書佢透過參觀巴黎女性嘅房間，針對其收納重點加以解說，以實際案例讓讀者更加了解家居擺設嘅重點。實例中利用了不少Ikea、無印良品以及北歐風嘅雜貨，吸睛之餘，其實大家亦可在自己家中實現。
10）《日本人妻邊惠玉教你幸福生活秘技244招》
作者：邊惠玉
出版社：悅知文化
出版日：2017年12月
邊惠玉係韓國知名美容Blogger，嫁到日本做人妻後，變身萬能主婦，成為廚藝專家、家事達人。佢努力搜集日韓各種持家術，親身實證後，嚴選出日韓主婦一致流淚推薦，最慳錢、最慳時間嘅家務秘笈！一本書齊集二百多種生活小秘技，令從來唔做家務嘅讀者都可以馬上上手！
講到家居收納，你或會需要額外儲存空間，記得Boxful可以幫到你手！無論你需要迷你倉服務，定係更彈性嘅迷你箱，Boxful都可滿足到你嘅需要！
——
延伸閱讀：【老公 Vs 老婆】邊個先係 儲物狂 ？
延伸閱讀：【人生有幾多個十年？】踏入不同階段的不同 儲存需要
緊貼Boxful Blog同Facebook Page，獲取更多家居生活貼士！