蝸居

根據仲量行最新公布嘅「2020年香港樓市展望」，指2019年下半年中小型住宅樓價因本地政治不明朗回落2.5%，預計來年市場氣氛將繼續看淡，而中小型住宅樓價將在2020下跌10%至15%……照咁睇，上車好時機係咪來臨呢？講到 上車盤 ，大家自然會諗起近年繼續有好多納米盤、劏房盤供應，以下係預計今明兩年入伙嘅400呎以下新盤，大家不妨多加留意，睇下市場上有冇筍盤執！

而家香港房屋問題解決無期，人人都但求有個「 蝸居 」棲身。尤其係年輕一族，唔理係租樓定係上車，都唔敢奢望會住得好大，即使係得百零二百呎的「蝸居」都收貨啦！面對愈來愈細嘅居住面積，大家唔使憂愁，只要諗諗辦法，盡量增加空間感，蝸居都絕對可以成為一個住得舒服嘅空間！