香港打風季節通常係5月至11月，7月至9月仲係高峰期。十號風球嘅破壞力相信大家都見識過，水浸、塌樹隨時發生，仲可能引致家居意外，嚴重更會受傷！貼膠紙係其中一個防風方法，但其實仲有好多嘢要留意～話你知點做足防風措施，保護你同屋企人嘅安全！！大家出門要小心，最安全就係留喺屋企！留喺屋企都要做好防風措施！嚟睇下嘅家居防風要點！
1. 牛皮膠紙封窗
想防止爆玻璃同滲水，用牛皮膠紙封住窗邊同窗框，仲可以喺玻璃上貼「米」字，加強玻璃承風力。如果玻璃真係爆咗，碎片都唔會飛得到處都係，咁家人會安全啲。
2. 關好室內所有門
室內對流會令窗更易爆裂，所以除咗要關窗，仲要記得關晒屋企內所有門，包括大門、房門同埋廚廁門。
3. 當風位唔開冷氣
如果冷氣機喺打風位，千祈唔好開，強風可能會令冷氣機摩打反轉，搞到機件損壞甚至著火。
4. 收好電器同貴重物品
如果窗戶爆裂或者滲水，電器可能會漏電，貴重物品亦可能會損壞。所以近窗邊嘅電器同貴重物品要收好，例如放高啲或者用膠袋包好。
5. 停電點算？
香港供電雖然穩定，但打風時都有機會停電。停電時唔好用蠟燭，用電筒或者手機光源，先同鄰居或者管理處確認係唔係整棟大廈停電。如果淨係你一間停電，可以檢查下室內電箱有冇跳掣。如果冇管理處，就直接報俾電力公司。
6. 儲存足夠糧食
準備兩至三日份量嘅食物，例如乾糧、罐頭同果乾，記得唔好揀太鹹或者容易口渴嘅食物。飲用水方面，每人每日大約三公升。
7. 備好應急袋
袋入面應該有：食物、水、藥物、電筒、尿袋（外置充電器）、手機。
8. 買家居保險
打風有機會令財物受損甚至受傷，買家居保險可以減少財物損失，令你同屋企人更安心。
Boxful 上門儲存月費優惠
上門迷你箱及上門迷你倉服務可享首月免費 $500 儲存月費優惠！
——
延伸閱讀：【天然空氣清新機】有效改善家居空氣質素的10種 室內植物
緊貼Boxful Blog同Facebook Page，獲取更多家居生活貼士！