暑假在即，書展又快到，又係要處理書本嘅旺季。也許你係學生，要處理家中嘅舊課本；或者你係書迷，每年書展就會醒覺自己買落太多書，諗起搬屋時就苦不堪言。喺你決心執書嘅時候，你又總會覺得將啲 舊書 就咁丟棄實在好浪費、好唔環保……咁到底可以點做？
1）二手書店
坊間有好多二手書店，專營舊書回收，亦有些是專收課本，甚至專收漫畫等。將你家中舊書，拿去二手書店出售，既可處理到書本，又可收回一點現金，不失為好方法。
不過，一般二手書店，收書時有相當多限制，例如要一次過收幾十本之類（漫畫亦往往只會收一整套）；而且佢哋收書亦好揀擇，好多時只收近兩三年嘅書，仲會只要啲熱門書（如小說、旅遊、財經、工具書等）。再者，唔好以為佢哋真係會「高價收購」！例如你本書原價100元又好新淨，千祈唔好妄想可以收番幾十蚊，好多時只係會俾番幾蚊雞你……（佢哋賣番出去就幾十囉。）
不過近年有啲二手書店，只接受贈書而不會收購，收回來嘅書又會以好平嘅價錢賣俾讀者，甚至會將部分收益捐俾慈善機構，志在推動環保及閱讀。如果你想你啲舊書搵到好主人亦唔在意要收番錢，不妨考慮贈書俾呢類二手書店。
2）網上平台／手機App
如果你堅持要收番書錢，又唔想賤價賣俾二手書店，咁你可以考慮利用網上拍賣平台、Facebook二手書群組，又或者一啲手機App去賣你嘅舊書。好處係啲書可以賣俾真係有需要嗰本書嘅同道中人，而且書價由你去決定。
當然，呢個方法往往比較費時失事，分分鐘賣一本書都要特登相約交收，更有機會遇上失約（放飛機）之買家。當然你可以喺雙方同意之下，利用快遞服務去交收書本；但要注意因為書本重量不輕，一次過寄幾本的話運費並不便宜，額外成本是由你去負擔還是買家付出，要好好商議。
3）捐贈
捐贈舊書，除咗以上提過嘅二手書店外，香港不少志願團體同慈善機構都有常設舊書回收服務，亦喺各區有收集地點。雖然部分機構只會收某些類別書本，但一般而言佢哋冇咁揀擇，即使好舊嘅書都會要。想了解更多，可以上環保署減廢網站睇睇資料。
另外，香港每年都有唔少大型舊書回收活動，多數由志願團體主辦及商業機構協辦。通常會喺商場或各區收集站，於指定日子內收集大量書本，主辦機構會將收得書本義賣。好似「書送快樂」、「書出愛心」、「舊書回收義賣大行動」等，都係比較著名嘅大型舊書回收活動，大家可意留意住佢哋嘅網頁公布。
4）真係唔捨得？
好明白，無論你本身係唔係愛書之人，有好多書真係會好唔捨得放棄。尤其係紙本書買少見少，好多舊書已經唔會再版，日後你想買都買唔番！不過，將太多書堆積喺屋企，又的確係一個問題，保存得唔好的話仲會滋生書蟲……咁不如搵儲存專家幫手，將啲值得保存嘅書，用迷你箱好好咁Keep喺最佳環境之下，有需要先攞番出來，既妥善保存又慳地方。如果你啲愛書多到以箱計，咁就租迷你倉吧！
——
延伸閱讀：【文青必讀】 書本收納 5大貼士
延伸閱讀：【巴打必讀】模型 Figure 玩具 の保養及收藏貼士
緊貼Boxful Blog同Facebook Page，獲取更多家居生活貼士！