好多人覺得， 租屋 住，咁間屋就無謂搞咁多花臣嘢。呢個諗法其實唔啱。即使間屋係租住，其實都應該用心經營一下，打造出自己嘅風格，咁你先會有真正屬於自己嘅生活空間。Boxful就醒你一啲小貼士，簡簡單單就可以將你租住嘅小單位，變成簡約、自然、溫暖、舒服嘅北歐風格！
1）北歐風必備元素：淺色地板 + 白色牆
大部分北歐風格嘅家居，都會用木質地板及白色牆嚟做基礎。淺色系帶俾人清新感覺，同增加空間感。所以你租屋時，記得留意地板顏色，淺色嘅地板如白色、灰色、木色等，都方便你將家居變成北歐風。
如果本身地板唔係淺色，都毋須大費周章自費換地板（業主正路也不會為你換吧）。你可以使用一啲方便安裝及清拆嘅木紋地板貼。他日你搬走時，亦可拆出來到新居再用。
2）配色原則：淺色為主，深色點綴
配合傢俬、家具之時，都係要以淺色系為主，常用嘅係灰藍、粉色等。就連寢具、床單被單等，都應該選用淺色和簡單的配色。如果真係覺得太單調，亦不妨大膽襯以一啲明亮色系，例如加一啲黃綠色嘅咕?、加一張深綠色有圖騰嘅地氈等，去加強層次感。
3）圖騰、格仔紋、藤器、植物
北歐風好注重自然元素，所以不妨多使用有圖騰的地氈、有格子的布藝、綠色的植物配以藤製器具。這些都可為淡雅的色系添上畫龍點睛的效果，帶來點點生氣。
4）傢俱盡量少，空間盡量多
營造空間感係北歐風的重點，故此租用小空間嘅你，切物堆放太多大型傢俱。而在挑選家居物品上，為咗保持整體空間嘅色系，要好好注意顏色，更加要做好收納及儲物，避免雜物四圍亂放和外露。
要做好收納同儲物，請記住：屋企並非用來堆放物品嘅空間，只會在某一季節才會使用到嘅物品，不妨考慮使用迷你箱等服務處理，以增添家居空間。
——
延伸閱讀：【冬天 衣物儲存 】迷你箱 Vs 洗衣店，到底邊樣好？
延伸閱讀：【客廳太細，唔夠位擺嘢？】4招幫你增加 客廳收納 空間
緊貼Boxful Blog同Facebook Page，獲取更多家居生活貼士！